Transkription / 1 [404

Buch Das ſen das erſt vnnd das ander buch d̓ kuͦnig. Das vierd iſt malachim. das iſt geſprochen das buch der künnig. vnnd das wirdt begriffen ynn dē drit ten. vnnd ynn dem vierden buch der künigreich. Vnnd doch iſt es vil beſ ſer Malachim iſt das buch der künig. wann malachoth dz iſt geſprochen. das buch der künigreich. Er beſchreybet nit die reich vil voͤlcker. ſun der er beſchreibt ein reich eins volcks von iſrahel. das ynn zwelff geſchlech ten begriffen wirt. Das fünfft yſaias. Das ſechſt hieremias. Das ſibēd ezechiel. Das achſt iſt das buch derr zwelff propheten. vnnd das wirdt geheiſſenn bey yne Thareaſra. Dye dritt ordnung beſitzet agiographa. das iſt geſprochē die heilig geſchrift. Vnnd das erſt buch hebt ſich an vō iob. Das ander von dauid. Dz ſelb buch begreyffen ſy ynn fünff vnderſcheidung. vnnd yn eynem buch der ſpalm. Dz drit iſt ſalomo vn̄ dz hat drey bucher. Vnnd das erſt heyſſen wir prouerbia. aber ſy heyſſen es parabolas. das iſt geſprochen maſtoth Das vierd eccleſiaſten. das iſt ceoleth. Das fuͤnfft iſt cantica canticorum. vnnd das nennen ſye ynn der vbergeſchrifft zyraſſirim. Das ſechſt iſt daniel. Das ſibend iſt dabreyamin. das iſt geſprochen die wortt der tag. das mügen wir nennen bedeütlicher cronicon der gantzen geſchiht goͤttlicher würckung Vnd das buch wirt bey vnß eingeſchriben. das erſt vnd das ander buch paralippomenon. Das acht iſt eſdras. vn̄ der ſelb iſt auch geteylt ynn zwey bucher bey dē kriechiſchē. vn̄ latiniſchē. Dz neün de iſt heſter. Vn̄ alſo werden beyd ſeyt vnd allenthalbē zweyunzwei tzig bücher der alten ee. Das iſt fünf moyſi. acht der propheten. vnd neune der goͤtlichen geſchrifft. Vnd wie wol ettlich ſeyn dye das buch ruth. das buch eynoth das wir heiſſen dz buch der zeher hieremie ynn die zal d̓ buͦcher goͤtlicher geſchrifft ſchreyben vnd die ſelben wenen das man ſoll zu rechnen ynn die zal diſer bucher. vn̄ ſprechen das des obgeſchribē geſetzs der altē ee ſullen ſeyn vierundzwein tzig bücher. vnnd die beſchlieſſen ſye vnder der zal der vierundzweintzig alten. vonn den iohannes ſpricht in dem buch der offenbarung. die da an betten das lamb. vnnd ir kron mitt nydergeſtreuten angeſichten opferend. vnd ſteen vor dē vier geaugete tyeren. vorn vnd hinden. das iſt dz ſye ſchawen ynn die vergangen. vnd kunfftigen zeyt. vnnd ſchreyen mitt vnuerdroſner ſtymm. heylig. heilig. heylig. ſey der almechtig got. der da geweſen iſt. vnd yetzund iſt vnd der da zukünftig iſt. Diſer prologus der geſchrifft iſt ein geharniſchter oder gehelmter aller bucher die wir verwandelt haben von hebreyſch in la tein. vnnd mag in wol bequem ſein auff das das wir mügen wiſſen wz auſſerhalb der bucher iſt. dz müg wir legen zwiſchen die vnbewerten geſchrifft. Darūb die weyßheit dy man zuſchreibt. als das boͤfel ſpricht. dem ſalomon. das buch hieſu des ſuns ſy rach. vnd das buch iudith. thobias. vnnd heſter die ſeyn nit yn der zal d̓ geyſtlichen buͦchern. Auch das erſte buch machabeorū. hab ich gefudē he breyſch Aber das ander buch macha beorum iſt kriechiſch. das man bewe zuß der lendiſchen ſprach. ren mawelche ing. das ſye ſich alſo haben