Seite
Buch Das drit Du wirſt geſehen an dez tag. ſo du eingeeſt das du wirſt verborgen in die kamer zwiſchen der kamer. Vn̄ der kuͤnig iſrahel ſprach. Thuͦ hyn micheam. das er beleybe bey ammō dē fürſten der ſtat. vnd bey ioas dez ſun amelech. vn̄ ſaget in. Diſe ding ſpricht der künig. Legt diſen man in den kercker vn̄ enthalt in mit dē brot des trübſals vnd mitt dez waſ­ſer der angſt vntz das ich widerkere in frid. Vnd micheas ſprach. Iſt dz du widerkereſt in fride. der herr hat nit geredt zuͦ mir. Vnnd er ſprach. Alles voͤlck hoͤrt. Darūb der künig iſrahel ſteyg auff in ramoth galaad vn̄ ioſaphat der künig iuda. Vnnd der künig iſrael ſprach zuͦ ioſaphat. Nym die waffen vnd geein. in den ſtreyt. vnnd leg dich an mit deynen kleydern. Aber der künig iſrahel ver wandelt das gewand. vn̄ giengen zuͦ dem ſtreyt. Vn̄ der künig ſirie ge bot zweyunddreyſſig fürſten d̓ we­geen. ſagend. Nicht ſtreyttet wider den merern vn̄ den mindern. nur al lein wider dē kuͤnig iſrahel. Darūb da die fuͤrſten der wegen ſahen ioſa phat. ſye wenten er were der künig iſ rahel. vnd machten eyn gehe vnnd ſtritten wider in Vn̄ ioſaphat ſchry auß Vnnd die fürſten der wegen ver namen. das er nit was der künig iſ rahel. vnnd ſie hoͤrten auff von im. Aber ein man ſpannet dē bogen vn̄ ſchickt einen vngewißen ſchuß. vnd ſchluͦg von geſchiht dē kuͤnig iſrael zwiſchen die lungen vn̄ den magen Vnd der künig ſprach zuͦ ſeinē wa­genknecht. Rer die hand vnnd für mich auß von dem heer. Wann ich bin ſchwerlich verwundet. Darūb der ſtreytt ward begangen an dem tag Vnd der kuͤnig iſrahel ſtuͦnd in ſeinem wagen gegen den ſiriern. vn̄ ſtarb an dem abent. Vnd das bluͦt der plag floß in dye ſchoß des wa­gens vnd der ſcherg durch doͤnte in allem heer ee ſich dye ſunn neyget. ſagend. Ein iegklicher kerewider in die ſtat. vnd in ſeyn land. Vnd der künig was tod vnd ward getragen in ſamariā. vn̄ ſye begruͦben den kü nig in ſamaria. vn̄ wuͦſchē ſeinē wa gen in dem weyer ſamarie. vnd dye hund lafften ſein bluͦt vnd wuͦſchē die zugel nach dem wort des herren das er hett geredt. Aber die andern ding der wortachab. vnd alle ding die er tet vn̄ das helfenbeynin hauß das er het gebawen. vnnd aller d̓ ſtet die er bawte. ſein geſchriben in dem buͦch der wort der tage der künig iſ­rahel. Darumb achab ſchlyeff mitt ſeinen vetern vnd ochozias ſein ſun regieret für in. Aber ioſaphat d̓ ſun aſa. vieng an regieren über iudam in dem vierdē iar achab des künigs iſrahel. Er was fünffunddreyſſig ierig da er anfieng regieren. vnd re­gieret fuͤnffunddreyſſig iar in ihe­ruſalem. Der nam ſeiner muͦter wz azuba die tochter ſalai. Vn̄ gyeng in allem weg aſſa ſeines vaters. vn̄ neygt ſich nit auß im. vnnd tet das recht was in dem angeſiht des her­ren. Iedoch er nam nit ab die hohē ding. Wan̄ noch opffert er dz volck vnd brant den weyrach in den hoͤhē Vnd ioſaphat hett frid mit dem kuͤ nig iſrahel. Aber die andern dinng der wort ioſaphat. vnd ſeyne werck die er tet vnnd die ſtreyt ſein geſchri­ben in dem buͦch der wort der künig iuda. Aber er nam auch ab von der erde. dye überbeleybungen der ver­