Seite
Buch Das vierd fürſten. vn̄ fünfftzig die da warn vn̄ der im. Der giēg ab zuͦ in. vn̄ ſprach zuͦ dē ſitzende in der hoͤhe des bergs Du menſch gottes der künig gebeut das du abſteygeſt. Helyas antwurt vn̄ ſprach zuͦ dē fünfftziger. Bin ich der menſch gottes. dz feur ſteyge ab vō himel. vn̄ verwüſt dich vn̄ deyn fünfftzig. Darumb dz fewr ſtyg ab vō himel vn̄ verwüſt in vn̄ dy fünf tzig dye mitt im waren. anderweyd ſant er einen andern fünfftziger fuͤr ſteen. vn̄ fünfftzig mit im. Der redet mit im Du menſch gottes diſe ding ſpricht der kuͦnig. Eyle vnnd ſteyg ab. Hellas antwurt vnd ſprach. Ob ich bin der menſch gottes. das fewr ſteyg ab vō himel vn̄ verwüſte dich vn̄ deyn fünfftzig Darumb dz fewr ſtyg ab von dē hymel vn̄ verwüſt in vn̄ ſein fünfftzig. Aber ſant er dē dritten fünfftziger fürſten vn̄ fuͤnff tzig die do waren mit im. Vnnd da er was kumen. er neiget die knye ge gen heliam vn̄ bat in. vn̄ ſprach Du menſch gottes nit verſchmehe mein ſeel. vn̄ die ſelen deiner knecht. dy bey mir ſein. Sih das fewr iſt abgeſtigē vom hymel. vnd hat verzeret die er­ſten zwen fuͤnfftziger fürſten vn̄ die fünfftzig die bey in warn. Aber nun bitte ich. das du dich erbarmeſt mey ner ſeel. Vn̄ der engel des herrē redt zuͦ heliam ſagend. Steyg ab mitt im. Nicht fürcht dir. darūb er ſtuͦnd vn̄ ſtyg ab mit im zuͦ dē künig. vnd redt zuͦ im. Diſe ding ſpricht d̓ herr. Darumb das du haſt geſant bottē zeratzfragen beelzebūb dē got acha­ron. als were kein got in iſrahel. vō dē du moͤchteſt fragen dz wort. Dar umb du ſteygeſt nit ab von dē bette auff dz du biſt auff geſtigen. aber du wirſt ſterben des todes. Darumb er ſtarb nach der rede des herren. die he lias het geredt. Vn̄ ioram ſein bruͦ­der regieret für in. In dem andern iar ioram des ſuns ioſaphat des kü­nigs iuda. Wan̄ er hette keinen ſun Aber die andern ding der wort ocho zie. die er hat gewürcket. ſein geſchri ben in dem buͦch der wort der tag d̓ künig iſrahel. Das IIIII. Capitel Wie helias auffgenumen ward vn̄ da bey was heliſeus. vn̄ wie ine das volck darnach ſuͦchet. vnd wie heli­ſeus verſpott ward vō den kinden vnd die bern zerriſſen ſie. nd es iſt ge ſchehen da der herr wolt erhebē heliam durch den wirſpreill in dē himel. helias vnd heliſeus giengen in galgala. Vnnd helias ſprach zuͦ heliſeum. Sitz hye wan̄ der herr hatt mich geſant vntz in bethel. Vn̄ heliſeus ſprach zuͦ im Der herre lebet. vnnd deyn ſel lebt. Wann ich laß dich nit. Vnd da ſye warn abgeſtigen in bethel. dy ſün d̓ weiſſagē die da warn in bethel gien gen auß zuͦ heliſeum vnnd ſprachen zuͦ im. Haſtu nit erkant. das der her­re heut nimpt dein herren von dir. Er antwurt. Vn̄ ich hab es erkant. Schweygt. Vnnd helias ſprach zuͦ heliſeum. Sitze hie. wan̄ d̓ herr hat mich geſant in ihericho. Vn̄ er ſpra che Der herr lebt vnd dein ſeel lebet wan̄ ich verlaß dich nit. vnd da ſye waren kumen in ihericho. die ſün d̓ weyſſagen. die da waren in ihericho nahenten ſich zuͦ heliſeum. vnd ſpra