Seite
Paralippomenon CXIIIIIIIII außgeſprochen. Ich hab geſant das buͦch. yedoch mitt hilff ewer bett. do mit ich woͤlt wolgeuallen mein gut willigen. vnnd ich hab nit zweyfel. das es yemantz vbel geuall dann den neydiſchen. Vnnd alſo ſpricht pli­nius. ſye woͤllend villiber verſchme­hen die aller beſten ding wen das ſy würden geſehen das ſy woͤllen lernē Iſt das yemantz in der dülmeſchüg woͤlle ſtraffen der denck darumb vor zufragen die hebreyſchen vnnd der ſelb frag auch ſein gewiſſen. Er ſehe an die ordnung vnnd den texſt vnd dye zuſamenſetzung. der wort. vnnd darnach iſt das er mage. ſo klafft er nach vnſer arbeyt vnd vberal in di­ſez buch Wa ir ſecht aſtericis. Dz ſol lēt ir wiſſē dz do zugeſetzet iſt wordē etwas auß den hebreyſchen das nitt wirt gehabt in lateyniſchen bucherrē Aber wo ir ſecht den punckt obelos. do wirt verſtanden das. lxx. dulmet­ſchen haben zugeleget vō zirung we gen oder von mayſterſchafft wegen des heyligē geyſtes vn̄ doch lyſet mā der dinge mit in dem hebrryſchen bü chern. Hie ende ſich die vorreden. vn̄ vahet an das erſt buch Paralippomenon. das iſt das buch der wort der tage. oder Eyfferung. Das erſt capitel. helt alle gepurt durch ir namen von adam auff bis iacob. Da ſeth enos can nam. malale­hel. iared enoch mathuſale. la­mech. noe. ſem cham vnnd ia­feth. Die ſün ia feiß gomer. magog. madai. vnd ia­an tubal. moſoch. vnd thiras Aber die ſün gomer. aſcenen. vnnd riphat vnnd thogorma. Aber die ſün iauā eliſa. vnnd tharſis. vnd cethim. vnd dodanim. Dy ſün cham. chus vnnd meſraim phut vnnd chanaan. Aber die ſuͤn chus. ſaba vnd euilla ſabatha regma vnnd ſabataca. Aber die ſün regma. dadan vnd ſaba. Aber chus gebar nemroth. Diſer hub an mech­tig zuſein auff erden. Meſraim aber gebar ludim vnnd annamim vnnd laabim vnnd neptuim vn̄ phetruſim vnnd caſluim. von den ſein außgan gen philiſtym vnnd die caphrurim. Aber chanaan gebare ſydonem ſey­nem erſtgebornen ſun. vnnd etheum vnd iebuſeū vn̄ amorreū vnd gerge ſeum vnnd eueum vnnd aracheum vnd aſmeum vnd aradium vnnd ſa­mareum vnnd ematheum. Dye ſun ſem. elam vnd aſſur vnd arphadat. vnnd lud vnnd aram. Die ſün araz hus vund hul vnd gothor vnd mo­ſoch. Arphadat aber gebar ſale. der ſelb gebar auch heber. Aber heber wurdē geborē zwē ſün. d̓ nā dz einen phalech. wann in ſeinen tagen. ward geteilet das land. vn̄ der nam ſeines