Transkription / 1 [592

Gucher Die vorred der das ich nye gelaubt han meinen eygen krefften in goͤtlichen bücheren. vnd hab nye gelaubt meinen aygē won zu einer meyſterin. Auch beſün der die ding von dem ich het ein wō vn̄ ein meynūg das ich ſiehab gewiſt die hab ich geratz fragt ſorgueltig/ lich Wie vil mer vō dē dingē dy mir zweyfelhafftig ſeyn geweſen. Vnnd ſicherlichen als ir von mir nemlich in ewern briffen gebetten habt das ich ewch ſolt außlegen hebreyſche in lateyniſch ſprach das buch paralippomenon. So wiſſet das. das ich es genomen hab von dem meyſter thy beriade. der vor zeytē iſt geweſen ein mayſter des geſetzes der bey der hebreyſchen ward gehalten fürſein wūderlichen vnd ein künſtreichē mayſter Vnd ich hab mit im geredt von der ſcheyteln das iſt von dem anfāg zu dē auſſern nagel. das iſt als man ſpricht auff das end. Ich red zu euch lediglich vnd ſicherlich vnd vorcht darynn nymandt. vnnd ſprich das. Das diß buch der namē. bei den kreichyſchen vnd lateyniſchen bücheren iſt geleſtert wordenn. alſo das es iſt zuſchatzen das es hab nit alleyn hebreyſch namen. ſünder auch barbaryſch ſarmatica. das iſt ſoͤllich namen dye gantz entzwey ſeyn von hebreyſch. Vnnd dy. lxx. dulmetzſchen dy des heyligen geyſtis vol ſeyn geweſen haben dye namen nit anders außlegt vnnd die ſchriffte. denn als es ſolt ſeyn in der warheytt. ſünder muß man daszuſchreyben dem vber tretten der ſchreyber ſo ſy auß bücheren ſchreyben die nit ſein gerechtuertiget. vnnd offt zuſameln ſy zu eyn namē. das doch ſein drey namē. mit den das ſy vnderwegen laſſen etlich ſilben. oder widerumb das ſie außs eynem namen von ſeiner breyt wegen machen drey namen. Sünder dy menſchen ſchatzten das offt die ge meynen namen nit bedeüten menſchen. ſunder ſtett vnnd land vnnd velde vnd künigreich. Vnnd alſo le gen ſy krums auß vnnd mit falſcher dulmetſchung. die außlegen der namen einer zungen. vnnd mit den falſchen figuren außſprechen etlich hyſtorien von den hyſtorien in dē buch der künig. da alſo wirdt geſprochen. Sein nit diſe ding geſchriben in den buch d̓ wort d̓ tag d̓ künig iuda. Vn̄ fürwar die ding habē wir nit in vnſern buchern. Das iſt zu dem erſten zuwiſſen das paralippomenon das buch. iſt bey den hebreyrchen vn̄ bey in wirt es geheyſſē dabrayamin. dz iſt das buch der wort der tag. Vnnd das ſelb buch von ſeiner groͤſſe wegen iſt es geteyler bey vns Vnnd des geleychen thun etlich in dem buch. bruto ciceronis darin ſy machen eyn dyaloguz das iſt ein red der frag vn̄ der antwurt zwiſchen zwayen. vnnd das teylen ſy in deryteyl. ſo es doch iſt ein buch zuſamen geſetzet vō ſein mayſter. Vnnd beſunder darnach ſül len ſy das mercken. das dy wort vnd namen nit allweg bedeuten noch zuſchatze ſey für die namen der mēſchē. ſunder ſtet künigreich land. Vnd zu letzſt iſt hye zuwiſſen dz ein yegklich auß legung der geſchrifft vnnd d̓ hyſtorien dy in dem buch iſt enthalten aber was ſy der haben vnderwegen gelaſſen in iren ſtetten aber was ſye haben daruber ſummet vnnd mit kür tzen worten beſchriben. dye werdent hie mit etlichen ſtumpſen vnd kurtzen worten vnd doch nützen wortē