Seite
Das ander Buch von dem ſtreytt. wann ich bin hartt verwundt. Sye namen in von dem wagen auff ein anderen wagen. d̓ im nachuolget nach künigklichem ſyt­ten. vnnd trugen yn in iheruſalem. Vnd er ſtarb vnnd ſye begruben yn in dem grab ſeiner vetter. vnnd alles iuda. vnd iheruſalem klagten in. vn̄ allermeyſt iheremyas. des alles dye ſinger vnd die ſingerin. erwidern dy klage vber ioſiam vntz an den gegen würtigen tag. Sih die geſchrift wirt getragen in den klagungen. vnd ſy behüten ſie als ein ee in iſrahel. Aber die andern ding der wort ioſie. vnnd ſeiner erbermbde. die gebotten ſynd in der ee des herren. vnnd ſeinn erſte werck vnd die iüngſten ſein geſchri­ben in dem buch der künig iuda vnd yſrahel. Das.VII. Cap. wye ioatham. ioacym vnnd ioachyn als künig regierten nach. ioſiam. Vn̄ vmb irer boͤſen werck willen wardē ſye abgeſetzt vnnd gefangen gefürt in babylonien. Arummb das volck des landes nam io­athan den ſun ioſie. vnd ſetzet in zuͦ eim künig in iheruſalem ſür ſeinen vater. ioathann was drey undzweyntzig ierig da er anfieng ze regieren vnd regieret drey monet in­iheruſalem. Aber da der künig egipti was kumen zu iheruſalem. vnd hett beſchetzt das lande vmb hundert ta­ſent des ſilbers. vnd vmb ein tallent des golds. da ſatzet er yn ab. vnd ſe­tzet eliachim ſeinen bruder zu eim kuͦ nig ſür yn vber iudam vnnd iheruſa­lem. vnnd er verkerett ſeinen namen ioachim. Vnd ioathas nam er mit ym. vnnd füret yn in egiptum. Ioa­chim was fünfundzweyntzig ierig da er anfieng zeregieren. vnnd regie­ret. xvi. iar in iheruſalem. vnnd tet das vbel vor ſeinem herren gott. Wider diſen ſtund auff nabuchodonoſor d̓ künig der chaldeer. vn̄ bande in mit ketten vnd fürt yn in babilon. zu d̓ trug er auch die vaß des herren. vnd ſatzt ſy in ſeinen tempel. Aber dy an deren ding der wort iachim. vnnd ſein verbannenſchaft die er tet. vnnd die da ſein funden in im. werden be­griffen in dem buch der kuͤnig iſra­hel vnnd iuda. Vnnd ioachin ſein ſun regieret ſür in. Ioach in was acht iar alt da er anfieng zeregieren vnnd re­gieret. drey monet vnd zehen tag in iheruſalem. Vnnd er tet das vbel in dem angeſiht des herren Vnd da der lauff des iares erfüllet ward. nabu­chodonoſor der kuͤnig ſendet botten vnnd ſie fürten yn in babylon. vnd trugen auß mitſambt. dye koͤſtlich­ſten vaßs des haußs des herren. vnd ſetzet ſedechiaz ſeinen vettern zu eim kunig vber iudam vnnd iheruſalem. Sedechyas was ein vndzweyntzig iar alt. da er anfieng zuregieren. vnd regieret. elff iar in iheruſalem. vnnd er tet das vbel in dem angeſiht ſeins herren gots. vnd fürchtet nit das an tlytz iheremie des weyſſagenn der da redt zu ym auß dem mund des her­ren. vnd ſchiede ſich von nabuch odo noſor dē kuͦnig. der yn het beſchwore bey gott. vnnd erhertet ſein halſa­dern. vn̄ das hertz das er nit widerke­ret zu dē herrn got iſrahel. vn̄ auch al le fürſten d̓ prieſter. vnnd das volck vbergiengen boͤßlich nach allen ver bannenſchafften der heydenn vnnd