Seite
Die vorred abraham yſaac. vnd iacob. den. dye dir nitt haben geſündet. Wann ich hab geſündet uͤber die zal des gryeß des meres Mein miſſetat ſein geme ret. Ich bin gebogen mit vil bande des eyſens. vn̄ iſt mir kein erkuͤckūg Wan̄ ich hab erwecket deinē zoren. vn̄ übel gethan vor dir. ſtellend die vnmenſchlichen ding vnd merend die beleydigungen. vnnd nun bewg ich die knye meins hertzens. bittend zuͦ deiner guͦtheit herre. Ich han ge­ſündet herre. ich han geſündet. vnd erkenne meyn miſſetat. Ich eyſche bittend dich herre. vergib mir. verzi he mir das du mich nit verdamneſt mitſampt meinen miſſetatten. noch auch ewigklich mir behalteſt meyn übel. Aber mach mich vnwirdigen heylwertig nach deiner großē barm hertzigkeit. vnd ich wird dich loben allezeit. Alle die tag meines lebens Wann dich lobet alle krafft der hy­meln Vn̄ dir iſt glori ewiklich ame. Ein ende hatt dz gebet manaſſes des künigs iuda. vn̄ vahet an dy vorred ſant iheronimi des prieſters in das buͦch eſdre. Ch hab noch nicht geurtey let welchß ſchwerer ſey eyntweders ze­L tuͦn das ir bittet od̓ zuͦuerſagen. Wan̄ es iſt nit der mey nung euch e ttwas bittenden zuͦuer­ſagen. vnnd die groͤſſe der bürdin. die gelegt iſt auff vnſern hals. drücket vns alſo. das wir fürchten das wir nun mer niderfallen. denn das wir auff werden gericht. Es geen darzuͦ die fleyß vnſerer neyder. die da we­nen. es ſey alles ſtrefflich. was wir ſchribē. Vnd vnder in iſt ein wider ſtreyttend des gewiſſens. wenn ſye oͤffenlich zerriſſen. das ſy doch heim lich leſen. vnd das iſt ſo manigual­tig. vn̄ ſo groß dz ich wirde genoͤtti get zuͦ ſchriben vnnd zuͦ ſprechen. O herr erloͤß mein ſele von den boͤſen lebßen. vn̄ von der falſchen zungen. Es iſt yetzūd dz drit iar dz ir all zyt ſchribet vnd wider ſchribet das ich euch außtulmetzſch auß hebreyſch in latein. das buͦch eſ dre gleycherweyß als ob ir nit het kriechiſch bücher ge­tulmetzſcht in latein. iedoch was dz iſt das von vns wirt getulmetzſcht vn̄ außgelegt. ſeht zuͦ das es nit al­ſo bald vō allen vnſern feinden ver ſpeyet vn̄ verſchmeht werde. Vnnd als einer geſprochen hat ſo iſt es ein verlorne arbeyt. das ſich einer groͤß­lichen mühet vn̄ vergebens. wenn da mit ſuͦcht er im einē haß O mein allerliebſten domnion vn̄ rogatio ne. ich bit euch hierūb das ir euch laſ ſeet genügen an heymlicher leſunge meins buͦchs. vnd das ir es nit woͤlt außtragen offenbar. auff das. das ir moͤcht vermeyden die augbron. das iſt die hohfart der. die allem vrteylē vō andern leuten. vn̄ ſie doch nicht erkennen etwas zuͦmachen Iſt aber das das etlich bruͤder ſein den vnſer außlegung nit miſßuelt. den leyhet das buͦch von dē ſie abſchreiben. vn̄ vermanet ſie. dz ſie ſchreiben vnder­ſchyedlich vnd durch interualla die hebreyſchen namen. d̓ in diſez buͦch iſt eyn groſſe menig. wenn es mag nit gefrummen. das man ein buͦch rechtuertigt es ſey dan̄. dz es fleyſſig