Transkription / 1 [728

buch Das dritt meedda. dye ſun fuſa. dye ſün chare. die ſün barcus. die ſuͤn ſaree. die ſün choeſi. die ſuͤn naſith. die ſun agiſti. die ſun pedon. ſalomon ſein ſun vn̄ die ſun aſophoth. Die ſün phacida. Die ſün cel. Die ſün dedon. dye ſun gaddahel. die ſün ſephegi. Dye ſun aggia die ſün ſachareth. die ſuͤn ſabathē. die ſün caroneth. die ſün malſith. die ſun ame. die ſün ſaſſus. Dye ſün addus. die ſün ſuba die ſun cura. die ſuͤn rahotis. Die ſün phaſaphath. dye ſün malmo. alle diſe waren der heyligkeit diener. vn̄ die kinder ſalomonis. cccc. vn̄ lxxxij. Ditz ſein die kinder die da auffzugen von chermel. vnd von therſa. ir furſtē car melam vn̄ careth. Vnnd mochten nit auſſprechē ir ſteet. vn̄ ir geſchlecht ob ſie wern auß iſrahel. die ſün dala rij. die ſuͤn thubal. die ſün nechodaici auß dē prieſtern die da gebrauchtē der prieſterſchafft vnnd wurden nitt fünden in irem geſchlecht. Dye ſün obya. dye ſün achiſos. die ſün addin. d̓ da nam ein haußfrawen nemuin vō den toͤchtern phargellē vnd wur den alle geheyſſen nach ſeynem namen. Des ſelbē geſchlechts geſchrift ward geſuͦcht in ires geſchlechts rechnung. vn̄ ward nit funden. vnnd verbotten ward in die prieſterſchaft zebrauchen. Vnd zuͦ in ſprach Neemias vnd eſ dras. das ſye nicht teylhafftig wurden der heyligkeit. vntz biß auffſtuͦnd ein gelerter prieſter in ein offenbarunge. vnnd in ein warheit Aber alles volcks iſrahel. warē zwelftauſent außgenomē dy knecht vn̄ meyde zweyunduiertzigtauſent. vnd dreyhundert. vnd ſechtzig. Vn̄ irer knecht vnnd meyde warn ſiben tauſent. vnd dreyhundert. vn̄ ſibenvnd dreyſſig. Singer vnd ſingerin waren zweyhundert. lxv. Ir kemel tyer warn vierhundert vnnd fünffvnd dreyſſig. Der roß ſibenhundert vnnd.xxxvi. Ir meul zweytauſent vnd. xlv. vnd in dem ioch arbeyten der tyer fünfftauſent. vnnd fünff vn̄ zweyntzig. Vnnd von iren broͤbſten durch die doͤrffer. da ſye kamen in dē tempel gottes. der da was in iheru ſalem zuerneren. vnnd auffzuͦ richten den tempel an ſeiner ſtat vnnd nach ſeiner krafft. vnd zuͦgeben in dē tem pel dē ſchatz der heiligē werck zwoͤltauſent pfund goldes. vnd prieſter lich wat hundert. Vnd es woneten die prieſter vnd die leuiten. vnd dye da waren außgegangen auß dē vol cke in iheruſalem vnnd in dz reych. vnd all heylig ſinger. vnd die portner vnd alles volck iſrahel. in iren reychen. Aber da angieng der ſibēd moned vnd dy kinder iſrahel warn ein yegklicher in ſeynen dingen. da kamē ſie einmuͦtigklichen in dē vor hof. der da was vor der türe gegen orient. Vnd iheſus der ſun ioſedech vnd ſein brüder die prieſter. vnd zorobabel der ſun ſalathiel vnnd des brüder. ſtuͦnden vnd bereyten dē altar. das ſie opferten auff in die gantzen opffer nach den dinngen die da ſein geſchriben in dem buͦch moyſi des manns gottes. Vnnd kamen ze ſamen vō den andern geſchlechten der erd. vnd alle leut der erde richtē auff den altar an ſeiner ſtat. Vnnd opferten dem herren die opffer. vnd dee fruͦen gantzen opfer. Vnnd mach ten die laubraſt. vnnd den hohzeyt lichen tag. als es iſt geſchriben in d̓ ee. vnnd die teglichen opffer als ſich gebuͤrt. vn̄ nach diſen dingē dy auff