Transkription / 1 [789

Heſter Cc XIIIIII zweyntzig lendern des künigs aſwe ri. das ſie hetten den frid. vnnd empfiengen dye warheyt. vn̄ behuͤten die tag der loß. vnnd feyerten ſie in irer zeytt mit freuden. als Mardocheus vnnd heſter hetten geordent. vnd ſie empfiengen zehalten dy va ſten von in. vnd irem ſamen. vnnd die geſchrey. vnd die tag der loß. vn̄ alle ding die in d̓ hyſtori dißs buͦchs dz da iſt geheyſſen Heſter begriffen ſind Das X. capitel. Wie Aſwerus im alles erdtreych zynßber machet. vnnd von der wir digkeyt mardochei. vnd von außle gung ſeins traumes Vnd der lru nig Aſwerus d̓ macht zynßhafftig alles erdcrich vn̄ alle inſeln des meres. des ſtercke vn̄ gebott vn̄ wir digkeit vnd hohe mit der er erhoͤhet mardocheum. ſeyn geſchriben in dē buͦchern der medier vnnd der perſer vnd wie mardocheus des üdiſchen geſchlechts. was der ander von dem kuͦnig aſwero. vnd groß bey den iuden vnnd angeneme dem volck ſeet ner bruͦder ſuͦchend dye guͦten ding ſeim volck. vnnd redend dye dinng die da gehoͤrten zuͦ dem frid ſeynes ſamens. Die da werdē gehabt offen bar mit vollem gelauben in hebrey ſch. Aber die ding die da nachuolgē han ich geſchribē gefunden in geoͤf neter außlegung. die da werden begriffen mit der kriechiſchen zungen vnd buͦchſtaben. vnd die weyl nach diſem capitel iſt geſaget in dem ende des buͦchs das wir nach vnſer ge wonheit haben vor bezeychet. obelo das iſt mit einem bratſpiß Vn̄ mar docheus ſprach. Diſe ding ſein getā von gott. Ich hab gedacht des trau mes den ich ſahe. diſe ding bedeutēd noch keines der ding. iſt vmb ſunſt geweſen. ein kleyner brun̄ wuͦchs in einem flußs vn̄ ward gekeret in ein liecht. vnd in die ſunnen vnd floße in vil waſſer. das iſt heſter. die d̓ künig nam zuͦ einem weyb. vnd wolt dz ſy wer ein künigin. aber dy zwen tracken. ſeyn. Ich vnd aman. Dye leut dy ſich ſamelten ſein dy. dy ſich flyßen zeuertilget dē namen der iuden. Aber mein volck das da rüffet zuͦ dem herren. iſt iſrahel. vnd d̓ her re tet behalten ſein volck. vnnd hatt vns erloͤſet von allen uͤbeln dingen vnd er tet groſſe zeychen vnd wunder vnder den voͤlckern vn̄ gebot dz zwey loß weren. das eyn des volcks gottes. vnd das ander aller heyden Vn̄ yetzund von der ſelben zeyt an einem geordenten tag kam yetweders loß vor got. allē voͤlckern. vn̄ der herr gedacht ſeines volcks. vnd erbarmet ſich ſeines erbs Vnnd diſe tag werden behuͤtet oder gemercket mit allem fleyß vnd mit frewden. ſo dye voͤlcker werden geſamelt zuͦ einander. vnnd vnder alle geſchle cht des volcks Iſrahel. in dem mo ned des mertzen. an dē vierzehenden vnd an dem fuͤnffzehenden tag des ſelben moneds Das XI. Capitel Wie mardocheus eyn traum ſahe. vn̄ wie er dē fllyſſigklich zuͦ gedecht nuß hielt