Transkription / 1 [800

Guch Das In mann was in de land hus. mitt na men iob. Vn̄ ſeht der man was eynfeltig vnd gerecht. vn̄ fürchtet gott vnd ſchyed ſich von dem übel. Vnd im waren geboren ſiben ſün. vnnd drey toͤchter. vn̄ ſein beſitzung was ſibentauſent ſchaf. vnd dreytauſent kemmeltyer. vnd fünffhundert ioch ochſſen. vnnd fünffhundert eßlin. vn̄ garuil geſinds. Vnd der man was groß vnder allen orientiſchen dz iſt in dem auffgang der ſunnen. Vnd ſein ſun giengen vn̄ machten wirtſchafft durch dye hewſer ein yegklicher an ſeym tag. Sye ſandten vn̄ beruͤfften ire drey ſchweſtern. das ſie aſſen vnd truncken mit in. Vnd da die tag der wirtſchafft waren vergā gen in dem vmbkreyß Iob ſant zuͦ in. vnd heyliget ſie. vnd ſtuͦnd auff frü. vnd opffert die gantzen opffer durch einen yegklichen tag. wan̄ er ſprach. das villeicht mein ſün nicht ſünden. vnd geſegen got in irē hertzen. Alſo tett iob alle tag. Aber an eim tag. da dye ſün gots waren kumen das ſye ſtuͦnden vor dem herrē da was auch da vnd̓ in ſathan Der herr ſprach zuͦ im. Vō wan̄ kumbſt du. er antwurtet vn̄ ſprach. ich hab vmbgangen die erde. vnnd hab ſye durchgangē. Vn̄ der herr ſprach zuͦ im. Haſt du nitt gemercket meinen knecht iob. das im nit iſt ein gleych. auff d̓ erde. ein einueltiger man vn̄ gerechter vn̄ fürchtēd got vn̄ ſcheyden ſich vō dem uͤbel. Sathan ant wurt im vn̄ ſprach. Fuͤrchtet denn iob vmbſunſt got. haſtu in den̄ nit vmbgeben. vn̄ ſeins hauß. vnd all ſein habe durch den vmbkreyß. vnd haſt geſegent dē wercken ſeiner hen de. vn̄ ſeyn beſitzung iſt gewachſen auff der erde. ſtrecke aber eyn wenig dein hand vn̄ rür alle ding. die er be ſitzt. nür villeicht er geſegent dir in dē antlitz. Darūb der herr ſprach zuͦ ſathan Sih alle ding. die er hat. ſein in deiner hand. allein nit ſtreck dein hand an in. Vnd ſathan gieng auß vō dem antlitz des herren. Vnd da an eim tag die ſün vnd ſein toͤchter aſſen vn̄ truncken den weyn in dem hawß irs erſtgebornen bruͦders. ein bot kam zuͦ Iob. der da ſprach. Die ochſen ackerten. vnnd die eßlin wurden geweydnet bey in vnd die ſabei vielen ein. vnd namen alle dinng. vn̄ ſchluͦgen die kind mit dē waffen vnd ich empfloh alleyn. das ich dir es verkündet. Vnnd noch da diſer redt ein ander kam. vnd ſprach. Dz fewr gots viel vō himel. vnd rüret die ſchaff vnnd verzeret die kinder vn̄ ich empfloh allein. das ich es dir ver kündte. vnnd auch noch da diſer redt ein ander kam vnnd ſprach. Dye caldeer machten drey ſchar. vnd haben angefallen die kemeltyer. vn̄ namē ſie. vnd ſchluͦgen die kind mitt dem waffen. vnd ich empfloh allein das ich dir es verkündt. Noch da diſer redt vnd ſeht ein ander gieng eyn. vnd ſprach. da dein ſün vnnd deyn toͤchter aſſen vnd trunneken dē wein in dem hawß ires erſtgeboren bruͤders. vnd ein geher wind eylet geh ling von der gegent der wüſt. vnd ſchluͦg zuͦſamen die vier winekel deſ hawß. es vielnider vnnd bedruckt deine kind vnd ſie ſein tod. vnd ich