Transkription / 1 [801

Iob Cockē.VIIIIII empfloh alleyn. das ich dir verkündet. Da ſtuͦnd iob auff. vnd ryß ſein gewand. er beſchar ſein haubt vnnd viel auff dye erde. Er anbett vnnd ſprach. Nackend bin ich außgegangen von dem leybe meiner muter. nackend ker ich wid̓ dahin. Der herr hat es geben. der herr hatt es genumen. als es geuiel dem herren. alſo iſt geſchehen. Der nam des herren ſey geſegent. In allen diſen dingen Iob ſündet nitt in ſeynen lebſen. noch redet ichts toͤrlichs wider gott Das.III. Capitel. Wie Iob geplaget ward mit ge ſchweren. vnnd das gedultigklich ly de. Vnd wie ſein drey freund zuͦ im kumen Ber es iſt ge ſchehen an eym tag. Da die ſuͦn waren kumē. vn̄ ſtuͦnden vor dem herren. vn̄ ſathan kam vnder in vn̄ ſtuͦnd in ſeinez an geſiht. dz der herr ſprach zuͦ ſathan. Vō wannen kūpſt du. Er antwurt vn̄ ſprach. Ich bin vmbgangen dye erde. vn̄ hab ſie durchgangen. Vnd der herr ſprach zuͦ ſathan Haſtu nit gemercket meinen knecht Iob. das im nit iſt ein geleych auff d̓ erde eyn einfeltiger man vn̄ gerechter vnnd fürchtend got vn̄ ſcheydend ſich vō dez übel. vn̄ noch behaltend ſein vn ſchuldigkeyt. Aber du haſt mich beweget wider in. dz ich in vmbſunſt peyniget. Sathan antwurtet vnd ſprach zuͦ im. Haut vmb haut vnd geie vns du der verſch des ſch er vmb ſeyn ſele. Anderſt laß deyn hende vn̄ rüre ſein mund oder beyn vn̄ ſein fleyſch. vn̄ denn ſihſt du das er dir geſegen in dez antlitz. Darūb der herr ſprach zuͦ ſathan. Gib er iſt in deiner hand iedoch behalt ſein ſel. darumb ſathan gieng auß vō dem antlitz des herren. vnd ſchluͦg Iob mit dē boͤſten geſchwer. vō der ſolen der füſſe vntz zu ſeyner ſcheytel. Er ſtrich ab die vnſauberkeit mit einez ſcherben ſitzend auff dem miſte vnnd ſein weib ſprach zuͦ im. Noch beleybeſt du in deiner einfalt. Geſegē den herren vnd ſtirb. Vnd er ſprach zuͦ ir. Du haſt geredt als eine von den toͤreten weyben. haben wir empfan gen die guͦtten dinng von der hand des herren. Warumb erleyden wir dann nit die uͤbeln. In allen diſen dingen ſündet nit iob mit ſeinē leb ſen. Darumb da die drey freund iob hetten gehoͤrt alles uͤbel. das im wz geſchehen. ſye kamen ein yegklicher von ſeiner ſtat. ellphas themanites wann ſie ſprachen das ſie koͤme nzuͦ ſamen. das ſie in heimſuͦchten vnnd troͤſteten. Vnd da ſie hetten auffge haben ir augen von verr. ſie erkantē in nit. Sye ſchryen vn̄ weynten. vn̄ riſſen ire gewand vn̄ ſtreweten den ſtaub auf ir haubt in den himel. vn̄ ſaſſen bey im an der erde ſiben tag. vn̄ ſiben necht. vn̄ keyner redet eyn wort zuͦ im. wann ſie ſahen das der ſchmertze vaſt groß was Das IIIII Capitel Wie iob vermaledeyet den tag. dar an er geboren ward. Vnd die nacht darinn er empfangen ward