Seite
Dauid In dem Elig iſt der ma d̓ nicht abgiēg in dem rat der vngütigē. vn̄ nicht ſtuͤnd in dem weg der ſünder. vnnd nicht ſaß in dem ſtuͦll der peſtillentz. Sunder ſein will iſt in der ee des herrē. vnnd in ſeiner ee wirdt er betrachten tag vn̄ nacht. Vnd er wirt als dz holtz das da iſt gepflantzet bey dē ablauf der waſſer. das ſein frucht wirt gebē in ſeiner zeit. Vn̄ ſein laub wirt nit abflyeſſen. vn̄ alle ding die er wirdt thuͦn werden geluͤckſam. O ir vn­gütigen nit alſo nit alſo. aber als d̓ ſtaub den der wind verwürfft von dem antlitz der erde Darūb die vn­guͦttigen erſteen nit in dem vrteyl. noch die ſünder in dem rat der gere­chten. Wann der herre hat erkannt dē weg der gerechtigkeit vn̄ der ſtey ge der vngüttigen wirt verderben. Diſen pſalmen ma chet dauid do er vechten ſolt wider amalech. vn̄ wider die heyden phili ſten. Vn̄ ditz pſalms übergeſchrifft iſt der pſalm Dauid Muare fremuerunt gentes. ij. Arub griſgra meten die heyden. vn̄ die voͤlcker haben betracht eytēle ding Die kuͤnig der erdē ſtuͦn den einander bey vn̄ die fürſten ſa­melten ſich zuͦ eynander. wider den herren. vn̄ wider ſein geſalbtē. Wir ſoͤllen zerbrechen ire band. vn̄ werf­fen von vns ire ioch. Der da wonet in den himeln wirt ſie verſpottē. vn̄ der herr wirt ſye verkrummen denn wirt er reden zuͦ in in ſeinē zorn vn̄ betrüben ſie in ſeinē grimme. Aber ich bin ein kuͤnig von im über ſyon ſeinen heyligen berge. predigēd ſein gebott. Der herre ſprach zuͦ mir du biſt mein ſun. ich gebare dich hewt. Eyſche von mir vnd ich will dir ge­ben die voͤlcker der erde. vn̄ dein be­ſitzung die ende der erde. Regiere ſy in einer eyßnin ruͦt. vnd zerbriche ſy als ein vaß des hafners. Vnd nun ir künig vernemet vnnd werdet ge lert. die ir vrteylet dye erde. Dienet dem herren in der vorcht. vnnd frolo cket im mit zitter. Begreyfft die zu­cht. das der herre ettwan. icht werde erzürnet. vnd ir vergeet von dem re chten weg. So brinnet in kurtze ſein zorn ſy ſein all ſelig. die ſich verſehē an in. Diſen pſalm macht Dauid. Vnnd iſt auch ſein überge­ſchrifft. Der pſalm dauid. da er floh auß der ſtat vor dez angeſiht ſeines ſuns abſollons Dn̄e quid multplicati ſunt iiij Err warumb ſeyn gemanigualtiget. die mich betrüben. vil ſte en auff wider mich. Vil ſprechen zuͦ meiner ſel. ir iſt nit heyl in irem got Aber du herre biſt meyn empfaher. meyn glori. vnnd du erhoͤhſt mein haubt. Mit meiner ſtym ſchrey ich zuͦ dem herren. vnnd er erhoͤrt mich von ſeinē heyligē berg. Ich ſchlieff vnd ward dem ſchlaff gegeben. vn̄