Das Buͦch behuͤt ſÿ. wann ſÿ iſt dein leben. Nit habe wolluſt in den ſteygen der vnguͤtigen vnnd noch der we ge der boͤſen geualle dir. Fleühe von jm. nicht gee durch jn. neyg dich vnd laß jn. Wān ſÿ ſchlaffē nitt. den̄. ſo ſÿ übel thuͦn. vnd der ſchlaff wirt nit von jn genōmen. den ſÿ betriegen. Sy eſſen das brot der vnmiltigkeyt vnd trinck en den weyn der boßheyt. aber d̓ ſteyge der gerechten fürgeet als ein leüchtendes liecht. vn̄ wechſt biß zuͦ dem volkōmen tage. Der weg der vnguͤtigen iſt vinſter. ſÿ wiſſen nicht wo ſÿ vallen Mein ſun erfar meine wort. vnd neyge dein or zuͦ meiner rede. ſÿe ſcheyden ſich nit von deinen augen behuͤt ſÿe in mitte deines herczen. Wann ſÿ ſeind daz leben. den die ſÿ finden. vnd ein geſuntheyt allem fleyſche. Behüt dem hercze mit aller huͦt. wann von jm fürgeet das leben. Scheyde von dir den boͤſen mund. vnnd das übel redenden lebſen ſeyen verre von dir. Deine augen ſüllen ſehē die rechten ding. vnd dem augbraw en ſüllen fürgeen dem geng. Sch icke den ſteyg deinen fuͤſſen. vnnd all dem wege werden beſtetiget. Nicht neyg dich zuͦ der gerechtē noch zuͦ der lincken. Abkere deynen fuͦß von den übeln. Wān die weg die do ſind zuͦ der gerechten erkēnet der herr. aber die do ſind zuͦ der lincken. die ſind verkeret. Wann er machet recht dein genge. Vnnd fürfuͤrt dein ſteyge in dem fride. Das fuͤnfft capitel Wie vns die weyßheyt vermanet daz wir vns geben zuͦ ere vn̄ huͤten vor vnnützen weybern. Ein ſun vernym̄ mein weyßheyt vnnd neyge dein or meiner fürſichtigkeyt. das du behuͤtteſt die gedancken. vnnd dein leb ſen behuͤten die zucht. Nit merck auff der trüglichkeyt des weybs wann die lebßen der gemeynen. ſeind als ein trieffendes hoͤnig. vnnd ir kele iſt ſenffter denn das oͤle. Aber jr jüngſten dinge ſeind bitter als der wermuͦte. vnnd jr zung iſt ſcharpff als ein zwiſchneydends ſchwert. Ir fuͤß ſteygē ab zuͦ dem tod vnnd jr geng durgeen zuͦ der helle. Sy geen nicht durch den ſteig des lebens. jr gen ge ſeind fliegendt vn̄ vnerforſch lich Darum̄ nun hoͤr mich. mein ſun vnnd ſcheyde dich nicht von dem wort meins munds. Mach dein weg verr von jr. vnd nachne dich nicht zuͦ den thüren jres haußs. Nit gib dein ere den frem den vnd deine jar dem freyßlichen. Das villeicht die außwendigen icht werden geſattet mit dey nen krefften. vnd dein arbeyt ſeyen in dem frembden hauß vnnd du ſeüffczeſt in den jungſten zeyten ſo du haſt verzert dem fleiſch vnd dein leyb vn̄ ſprecheſt. War umb hab ich verachtet die zucht vn̄ mein hercz veruolget nit den ſtraffungē Ich hoͤrt nit die ſtym̄ der lerendē mich. vnnd neygt nit mein or den meyſtern. Ich was
zum Hauptmenü