Seite
Das Buͦch bruſt auß zefuͦren die milch. der zwinget auß den bütter. vnd der ſich faſt außreüſpert der würffet auß das bluͦt. vnd der do erweck­et die zorn. d̓ bringet herfür die zwitracht. Das xxxi Capitel Wie Salomons muͦter jn leret. das er ſein guͦt nitt verzeren ſolt mit vnnützen weybern. Vnd wz ein frumbs weyb ſey. Ie wort lamuelis des kunigs die geſicht mit der jn leret ſein muͦter. V Mein lieber. was iſt es wz iſt es. lieber meins leibs. wz iſt es. o lieber meier gelübd. Nit gib dein guͦt den weyben. vn̄ dein reichtumb zeüertilgen die künig Nit ſolt o lamuel. nit woͤlleſt ge ben den weyn den künigen. wan̄ wo die trunckēheit iſt. do iſt keȳ heymligkeyt. dz ſÿ villeicht nit trincken. vnd vergeſſen der vrteil vnd verwandeln die ſach der ſün des armen. Gebt lautter trancke den weynendē. vnd weyn die do ſind bitters gemuͤts das ſÿ trin­cken vnd vergeſſen jrs gebreſten vnd gedencken fürbas nichtt des ſchmerczen. Thuͦ auff deinē mun de dem ſtummen. vnd den ſachen aller ſün. die do durchgeen. Thuͦ auff deine mund. Erkenn das do recht iſt vnnd richt den gebreſti­gen vnd den armen. Aleph. Wer vindet das ſtarck weyb von ver ren vnd von dē letzſten enden iſt jr lon Beth. das hercz jrs man̄s hoffet in ſÿ. vnd ſÿ bedarff nichtt der reübe. Gimel. Sy gibt jm dz guͦtt vnd nicht das übel alle tag jres lebens. Deleth. Sy hatt ge ſuͦchet die woll vnnd den flachs vnnd hat gewercket mit dem rat jrer hende. He. Sye iſt worden als ein ſchiff des kauffmans tra­gendt jr brot von verr. Van. Vn̄ ſÿ ſtuͦnd auff in der nacht. vnnd teylet den raub jren jngeſinden. vnd die ſpeyß jren diernen. Zai. Sy merckt den acker vnd kaufft jn. vnd hat gepflanczet den wein garten von der frucht jr hende. Heth. Sy begürt auch jr lenden mit ſtercke. vnnd krefftiget jren arm. Theth. Sy hatt verſuͦchet vn̄ ſahe das jr geſcheffte iſt guͦt. jr lucern wirdt nicht erleſchet m der nacht. Ioth. Sy ließ jr handt zuͦ ſtarcken dingen. vnnd jr vin­ger begriffen die ſpindeln. Caph Sy thet auff jr handt den gebre ſtigen. vnnd ſtrackt auß jr ſpan zuͦ den armen. Lameth. Sy für­cht nitt jres hauſs von der kelte des ſchnees. wann alles jr jnge­gefind iſt gekleydet mit zwifalti­gen kleydern. Mem. Sy machet jr ein geſtreyfftes gewand bißs vnnd purpur iſt jr kleyd. Nun. Ir man iſt edel in den toren. ſo er ſiczt mitt den alten der erde. Sa­meth. Sy machet ein zindal v verkauffet jn. vnnd antwurt de gürtel de chananeer. Ayn. Ster. cke vnnd gezierd iſt jr bekleydū ge. vnd ſÿ wirt lache in dē jung ſten tag. Phe. Sy thete auff den mund der weißheyt. vnd das ge ſacz d̓ miltigkeyt iſt in jr zunge. Sade. Sy mercket die ſteig jres