Seite
Die weytzſagung Iſaie des keit. Vnd darumb gebuͤrt ſich dz das vnſer außlegung nicht mag wol behalten die hübſchkeit. vnd die ordnūg ſeiner wort. die er hat in hübſchkeit vor allen anderen propheten. Darnach iſt auch daz zuͦ zefuͤgen das er nit allein iſt zuͦ ſprechen. das er ſeÿ ein prophet. ſunder auch das er ſeÿ ein ewan­geliſt. Wann warumb. er hatt ſo leütterlich vnd ſo klaͤrlichen ge­ſchriben. vnd außgeſprochen dÿe verborgnen hȳmliſchen ſacramēt des herren jheſu chriſti. vnnd der heyligen chriſtenheÿt. das du nit muͤſt waͤnen das er allein vō zuͦ­künfftigendingen. ſunder auch vō vergangen vnnd von geſchehen dingen hab vnderbawet vnd ge­ordnet ſein rede. Vnd darumb. wan̄ das zuͦ den zeÿten das die ſi benczig tulmaͤtſchen nit woltten offenbaren lautterlich den heÿden die do hieſſen ethnici. die do wa­ren in egipten land. do ſÿ die bÿ­blien auß tulmaͤtſcheten. Sunder ſÿ wolten vil mer verſchweygen die ſacrament des gelaubens der heÿligen drifaltigkeit vnd vnſers herren menſchwerdung. vnd ſein heÿlige marter. Darumb das ſÿ icht die heÿligkeit würden geben den hunden. vnd das ſÿ ichtt dÿe margariten würden werffen für die ſchwein. O paula vnd euſto chium. ſo jr werdend leßen dyße geſchrifftt vnnd jr außlegung. ſo ſollend jr eüwer gemuͤtt abkeren von der verborgennheÿtt der ge­ſcheÿdigkeit. die die ſibenczig ver borgenlich geredet haben. Vnd ich wayß das wol. vnd iſt mir nicht verborgen. wie groß iſt die arbeÿt zuͦ vernemen die propheten. noch es mag nÿemant leÿchtigklch vr teÿlen noch auſlegen vō d̓ tulmaͤt ſchung auß hebreÿſch in lateÿn. es ſeÿ dan. das er vor verſtandē hab die propheten. ee dz er ſÿ ge­leſen hat in jrer außlegung in he breÿſch. Vnd mir iſt nit verborg­en wie ich bÿn offenlich fürgele­get den bÿſſen der nachklaffunge maniger. die mich haſſen. vnd die werden darzuͦ gemanet mit jrem neÿd vnnd haßs. Alſo das ſÿ die kunſt vnd vernunfft. die ſÿ nicht mügen haben noch begreÿſſē. ver­ſchmaͤhen als ein maledeyunge. Vedoch ſo ich das wol wayß. vn̄ darumb ſo ſencke ich mein handt wiſſenlich vnnd vernünfftigklichē in die flam̄e. das iſt alſo vil. Ich will mich gebenn in den ſchadten meiner feynde vnd nachklaffer. vnd nicht mynder vermane ich­vnd bitte daz von den verdroſſen leßern. Geleycherweiß als die kir che nach außtulmaͤtſchung der ſi­benczig. leßen die außlegung der meiſter. als aquilam. ſimmachū. vnd theodotionem. Vnd dz thuͦn ſÿ darum̄. Des erſtē vō des fleiß wegen jrer lere. oder darumb. daz das ſÿ deſter mer vernemen mu­gen die ſibenczig tulmaͤtſchūg auſ jren mitreden. Alſo thuͦn auch die darumb allermeÿßt. das ſÿ müg­en haben einen tulmaͤtſchen. des er ſten. vn̄ nach dē erſten den andern Ich begere. das iſt. dz ſÿ woͤllē le ſen mein außlegūg. das ſÿ des er­ſten woͤllen thuͦn. vn̄ wen̄ ſÿ des erſtē haben überleſen mein außle­