Transkription / Biblia, dt. [152

Iſaie des Die weytzſagung Ie geſichtte Iſa las des ſuns amos. dÿe er ſahe über judam vn̄ über jheruſalem. in den tagen ozie. joathan. achas. vnnd ezechie. der knig juda. Ir hȳmel hoͤrend. vnd du erde empfahe mit den orē wan d̓ herre hat geredet. Ich hab erzogen ſüne. vnd hab ſÿ erhoͤcht aber ſÿ haben mich verſchmaͤcht. Der ochße erkan̄t ſeinen beficzer. vnd d̓ eßel die krypp ſeines herren. Aber jſrahel erkan̄t mich nit vn̄ mein volck vername mich nit Wee dem ſündigen volck. dem ſch waͤren volcke vor miſſetatt. dem ſchalckhaͤfftigen ſamen. den übeliaͤtigen ſünen. Sÿ haben verlaſſen den herren. Sÿ haben geleſtert den heÿligen iſrahel. ſÿ ſind abkeret hÿnderſich. Warzuͦ ſchlahe ich eü ch fuͤrohyn. die jr zuͦlegt die über geeung. ein ÿegklichs ſiechs hau bte. vnd ein yegkliches traurigs hercze. Von d̓ ſolen des fuͦßs. biß zuͦ der ſchaÿttel. kein geſundtheit iſt in jm. Die wunden vn̄ das ſch warcz mackel. vn̄ d̓ geſchwellēd ſchlag. iſt nit vm̄bunden noch geheÿlet mit der erczneÿ. noch geſal bet mit dem oͤle. Eüwer landt iſt wuͤſt. Eüer ſtett ſind angezündt mit feüer. Die frembden verwuͤſten eüer gegent vor eüch. vnd ſÿ wirt verwuͤſtet als in d̓ verwuͤſtung des feÿndes. Vnnd die tochter ſÿon wirt gelaſſen als ein ſch adthauß in dem weingarten. vn̄ als ein ſchupffen in dem kürbßgarten. als ein ſtat die do wirdet verwuͤſtet. Haͤt vns der herr nit gelaſſen den ſammen. wir waͤren worden als die ſodomer. vn̄ waͤr en geleych als die gomorrer. Ir fürſten der ſodomer. hoͤrend das wort des herren. Ir volck gomor re empfacht mit den orē die ee vn ſers gots. Warzuͦ iſt mir die menig eüer opffer. ſpricht der herre. Ich bÿn vol. Der ganczen opffer der wider vnd der feÿßte d̓ feyßten. vnd das bluͦt der kelber vn̄ d̓ lemier. vnd der boͤck. woltte ich nit. So jr kumbt für mein angeſicht. wer ſuͦchet diſe ding vō eüren henden. das jr eingeet in meinen hoͤfen. Das jr fürbaßs nichtt opffert das opffer vm̄ ſunſt. Der weÿrach iſt mir ein verbannung Die monfeÿer vnd den ſam̄ßtag vn̄ die andern hochzeÿt dulde ich nit. Eüwer ſamlung ſind boͤßs. Eüer meßtag vnd eüer hochzeÿt hat gehaſſet mein ſele. Sÿ ſeÿnd mir worden ſtraͤfflich. Ich hab ge arbeÿtet duldend. Vnd ſo jr auff hebt eüer hende. ich abkere meine augen vō eüch. Vnd ſo jr manigfaltiget eüer gebet. ich erhoͤre ſem nit. Eüwer hende ſind vol bluͦts Waͤſchet eüch. vnd ſeÿet reÿn. ne mend ab das übel eüer gedanckē vō meinen augen. Ruͦwend übelzethuͦn. lernend wol thuͦn. Suͦcht das vrteÿl. Helfft dem bedrucktē. vrteylet den waÿſſen. beſchirmend die wÿttwen. vnd kummet vnd ſtraffet mich. ſpricht der herr. Ob eüwer ſünde waͤren als die roͤte. ſÿ würden geweÿſſet als d̓ ſchnee