Seite
Iheremie Die weyſſagung bilone über beel. vnnd ich wille außwerffen von ſeinem munde. das er hat verzeret. vnd die leüt ſammeln ſich fürbas nicht zuͦ jn. Vnd die mauer babilon fellt. Ir mein volck geet auß vō jrer mitt das ein yegklicher behalte ſein ſe le von dem zoren des grymmen des herren. Vnd das villeicht eü er hertz anfahe weych zewerden vnnd das jr fürchtet die gehoͤrd die da wirdt gehoͤrt in dem land Vnnd die gehoͤrt kumbt in dem ſar. vnnd ein gehoͤrd nach diſem ſare. vnd die boßheyt in dem lan de. vnd der herſcher über den her­ſcher. Darumb ſehet die tag kō men. vnnd ich heymſuͦch die ab­goͤtter babilonis. vnnd alles jr landt wirt geſchendet. vnd all jr erſchlagnen vallen in jrer mitte. Vnd die hymmel vnnd die erd. vnnd alle ding. die da find in jn. loben über babilon. wan̄ die rau ber kummen dir von mittnacht. ſpricht der herr. Vnd wie wach­et babilon. die erſchlagnen vielen in iſrahel. alſo vallē die erſchlag nen von babilon in allem landt. Die jr fliehet das waffen kom­met nitt woͤllet ſteen. Gedencket des herren von verre. vnd jheru ſalem ſtygauff über eüer hertze. Wir ſeind geſchendet wann wir hoͤrten daz laſter. Das laſter hat bedecket vnſer antlütz. wann die frembdē kamen über die heylig­keyt des hauſs des herren. Dar­umb ſehet. die tag kōmen. ſprich et der herre. vnnd ich ſuͦch heym über die abgoͤtter babilonis. vn̄ der verwundt ſchreyet in allem jrem landt. Ob babilon auffſtÿg in den hȳmel. vnd veſtet jr ſterck in der hoͤhe. jr verwuͤſter kom­men von mir. ſprichet der herre. Die ſtym̄ des ruͦffs iſt von babi­lon. vnd ein groſſe becruͤbung vō dem land der chaldeer. wann der herr hat verwuͤſt babilon. vnnd hat verloren ein groſſe ſtym̄ auß jr. vn̄ jr flüſs doͤnen als vil waſ­ſer. Ir ſtymm gab den don. wan̄ er kam über ſÿ. daz iſt der rauber über babilon. Vnd jr ſtarckē ſind begriffen. vnd jr bog ſchwelcket. wan̄ der herr iſt ein ſtarcker rech er. widergebent widergibt er. vn̄ ich trenck jr fürſten vnnd jr wey ſen. jr hertzogen vnd jr meyſter. ſchafft vnnd jr ſtarcken. Vnd ſÿ ſchlaffen den ewigen ſchlaff. vnd werden nit erweckt ſpricht d̓ kü­nig. der herr der heer iſt ſein na­me. Diſe ding ſprichet der herre got der heer. Diſe hoͤchſte maur babilonis wirt durchgraben mit der außgrabung. vnd jr hoͤchſte thor werden verbrant mitt feüer vnd die arbeyt der voͤlcker vnnd der leüt werden zenichten in dem feüer vnd verderben. Vnd diſes iſt das wort das jheremias der weyſſag gebot ſaraie dem ſun ne rie des ſuns maaſie. da er gienge mitt ſedechia dem künig in babi­lon in dem vierden jar ſeines rei­ches Aber ſaraias waz ein fürſt der weyſſagung. Vnnd jheremi­as ſchribe alles übel in ein buͦch. das da was künfftig über babi­lon. alle diſe wort die da ſind ge ſchriben wider babilon. Vnd jhe­remias ſprache zuͦ ſaraiam. So