Transkription / Biblia, dt. [307

Des Propheten clvii Vnnd nymme nicht von dir einen ſteyn czuͦ dem winckel. vnnd den ſteyn in die gruntueſte. aber du wirſt verloren ewigklich. ſprich et der herr. Hebt auff das zeychen in dem lande. Singet mit den hoͤrhoren an den bergen Heyliget die menſchen über ſÿ Verkundet wider ſÿe den künigen ararach. memm vnnd aſtenes. Zelet wider ſÿ taphar. Zuͤfuͤret das roße als den geangelten kefer. heyliget wider ſÿ die menſchē die künig der medier. vnd jr hertzogen vnd alle jr meyſterſchafft vnnd alles lande jres gewalts. Wann die erde wirt beweget vnd becruͤ bet. wan̄ die gedenckung des her ren hat gewachet wider babilon das er ſetze dz landt babilon wuͤ ſte vnd vnwonlich Die ſtarck en babilon. die da wonten in den hilffen. hoͤrten auff von dē ſtreyt Ir krafft iſt verwuͤſtet vnnd ſÿ ſeind worden als die weyber. Ir tabernackel find angezündet. jre rigel ſind zerbrochen. Der lauffent kommet engegen dem lauffenden. vnd der bot begegent dem verkündenden. das er verkunde dem künig von babilon. das die ſtat iſt geuangen von der hoͤhe. biß zuͦ der hoͤhe. Vn̄ das die fürt find bekümmert. Vnd auch das die brüche find angezundet mitt feüer. vnnd die ſtreytbern mann find betruͤbet Wann diſe ding ſp richt der herr der heer gott jſrahel. Die tochter babilon iſt als ein ten. die zeyt jrer treſchung. Noch ein kleyne zeyt vnnd auch die zeyt jres ſchnitz kumbt. Nabuchodonoſor der künig der babi lonier aß mich. vnnd verwuͤſtet mich. Er widergab mich als ein leres vaß. Er verſchlande mich als ein drack er ſattet ſeinē bauch von meyner zartheyt. vn̄ warff mich auß. Die jnwonunge ſÿon ſpricht die miſſetat iſt wid̓ mich vnnd mein fleyſche über babilon Vnnd jheruſalem ſpricht. meyn bluͦt iſt aber die jnwoner chaldee Darumb diſe ding ſpricht d̓ herre. Siehe ich vrteyle dem ſache. vnnd rich dein rach. Vnd ich ma chte wuͤſt jr moͤre. vnd auch trucken auß ſeinen vrſprungen. Vnd babilon wirt in die greber. ein jn wonung der dracken. ein vorchte vn̄ ein wiſpeln. darumb das der einwoner nicht ſey. Sy werden ſchreyen all miteinander. als die lewen. vnnd ſchlahen auß die loͤcke als die welffen der lewe. Ich ſetz jr tranck in jr hitz. vnnd ich trenck ſÿ. das ſÿ verſchlaffen den ewigen ſchlaff. vnd ſteen nit auff ſpricht der herre. Ich fuͤre ſÿ auß als die lemmer zuͦ der erſchlahū ge. vnnd als die wider mitt den kitzlen. In woͤlicherweyß iſt gefangen ſeſach vnnd die edel aller erde iſt begriffen. In woͤlierweyſe iſt babilon worden zuͦ einer for chte vndter den leüten. Das moͤre ſtygauff über babilon. vnd iſt bedecket in der menig ſeiner flüß ſe. Ire ſtett ſeind worden czuͦ eyner vorcht. das wort iſt vnwō lich. vnd die erde iſt wuͤſt. in der nyemand wone. noch der ſun des menſchen wirdt geen durch ſÿe. Vnnd ich will heymſuͦchen in ba v. iiij.