Transkription / Biblia, dt. [310

Iheremie Die weyſſagung todes. Aber an dem fünfften monedt an dem zehenden tage des moneds. vnnd iſt das neundtze hendt jare nabuchodonoſor des künigs der babilonier. nabuſardan der fürſt der ritterſchafft. der do ſtuͦnde vor dem künig der babilonier. kam in jheruſalem vnd zündet an das hauß des herrē vn̄ das hauß des künigs vnnd alle heüſer jheruſalem. vnd verbren net ein yegklich großes hauß mit feüer. Vnnd alles heer der chaldeer. das da was mitt dem meyſter der ritterſchafft. zerſtoͤret al le maure jheruſalem durch den vmbkreyß. Aber von den armen des volckes. vnnd von dem ande ren geboͤfel das da was belyben in der ſtat. vnnd von den flüchtigen. die da warē all geflohen zuͦ dem künig der babilonier. vnnd die anderen von der menig. über truͦg nabuſardan der fürſt der rit terſchaffte. Aber von den armen des lanndes ließ nabuſardann der fu̇rſt der ritterſchafft. weynzurel vnd ackerleüt. Vnd die oͤrin pfey ler. die da warē in dem hauß des herren vnd die gruntueſten. vnd das oͤrin moͤrē. das da was in dē hauß des herren. zerbrachen dye chaldeer. vnd namen alles ere in jheruſalem. Vnnd die tegel vnd die nepff. vnnd die pſalteri. vnd die ſchenckuaß. vnnd die moͤrſer Vnd ſÿ namen alle oͤrin vaß. die da waren in dem dienſte. vnnd die waſſerkruͤg. vnnd die rauchuaß. vnnd die handtuaß. vnd die beckin. vnd die leüchter. vnd dye Vnnd alle die da waren von golde. guldin. vnnd alle dye da waren von ſilber. ſilberin. Vn̄ der meyſter der ritterſchafft nam zwuͦ ſilberin ſeül. vn̄ das ein moͤre. vnd auch die zwoͤlff oͤrine kel ber. die da waren vndter den ſeü len. die ſalomon der künig hette gemachet in dem hauß des herrē Das gewicht des eres aller dyſer vaß was nicht. Aber von den ſeülen waren achtzehen̄ elenbogen der hoͤhe an eyner ſeüle vnd auch ein ſayl vmbgienge ſÿ von zwoͤlff elenbogen. Aber jr groͤſſe was vier vinger. vnnd was jnwendig hol. vnnd die knoͤpff wa ren auf yetwederer oͤrin ſeül. Vn̄ die hoͤhe eines knopffs fünfelen bogen. vnnd anch margranoͤpf fel vmbundumb oͤrin auff d̓ krone in dem vmbgang. Zuͦgeleicherweyß was auch die ander ſeul vnnd die margranoͤpffel. vnnd alle ding die da waren oͤrin auff den knoͤpflein in dem vmbkreyß Zuͦgeleicherweiß die ſeül des an dern. Vnnd margranoͤpffel waren ſechßundneüntzig anhencklein. vnnd mitt hundert netzleyn wurden vm̄gegeben alle margrā oͤpffel. Vnnd der meyſter der ritterſchafft nam ſaraiam den erſtē prieſter. vnd ſophoniam dem an dern prieſter vnd die huͤtter des vorhauſs. Vnnd er nam auch einen keuſchen von der ſtat. der da was eyn fürgeſatzter über dye ſtreytbern mann. vnnd auch ſÿben mann die da ſahen das ant. lütz des künigs. die da wurden funden in der ſtatt. vnnd den ſchreyber. vnnd auch eynen fürſten