Seite
Die weylzſagung Baruch vnnd ſiehe. das die todten die do ſind in der helle. d̓ geyſt do iſt em pfangen vō jren jngeaͤdern. nicht geben die ere vnd die gerechtig­keit dem herren. Aber die ſele. die do iſt betruͤbet über die groͤſſe des übels. vnd geet krum̄. vnd in den niderſten. vnd des augen abnem en. vnd die hungerig ſele gibt dy glorj vnd die gerechtigkeit dē her ren. wan̄ o herr vnſer got. wir ha ben nit außgegoſſen die gebet vor deinem angeſicht. nach der gerech tigkeit vnſer vaͤter. Aber das du haſt geſendet über vns deinen zor en vn̄ deinen grȳmen. als du haſt geredet in der handt deiner kynd̓. der weÿſſagen. ſagend. Alſo ſpri­chet der herre. neyget eüer achßlē vnd eüren halß. vnd thuͦt dē fleiß dem kunig der babÿlonier. vnd jr werdet ſiczen in d̓ erde. die ich hab gegeben euren vaͤtern. Vnd ob jr das nit thuͦt. vnd die ſtym̄ eüers gots nit hoͤrt. zuͦwercken dem kü nig der babylonier. ich mache eü­ren gebreſten vō den ſtetten juda. vnd vō außwenig jheruſalē. vn̄ ich nȳme ab vō eüch die ſtÿm̄ der froͤlicheÿt. vn̄ die ſtÿm̄ d̓ freüden vn̄ die ſtym̄ des breütigam̄s. vn̄ die ſtym̄ der braut. vnd alle erde wirdet on fuͦß ſteÿg. vō den. die do wonen in jr. Vnd ſÿ hoͤreten nit dein ſtym̄. das ſÿ wercketen dem künig d̓ babÿlonier. vn̄ du ſeczeſt deine wort die du haſt geredet in den henden deiner kÿnder d̓ weyſ ſagen. Das ſÿ außtruͦgen die ge­baÿn vnſer künig. vnd die baÿn vnſer vaͤter vō jrer ſtat. vn̄ ſiehe. ſÿ ſind geworffen in der hÿcze der ſunnen. vnd in den froſt d̓ nacht. vnd ſind tod in den boͤßten noͤten in hunger. vnd in waffen. vn̄ in der außlaſſung. Vnd du haſt geſe czet den tempel. in dem dein name iſt angeruͤffet. vmb die vngerech tigkeit des hauß iſrahel. vnd des hauß juda. als der tag iſt. O herr vnſer got. du haſt geton in vnns nach aller deiner guͤte. vn̄ nach al ler deiner groſſen erbaͤrmbde. als du haſt geredet in d̓ handt moÿßi deines kÿndes. an dem tag. an dē du jmgeboteſt zuͦſchreiben dein ee vor den ſünen iſrahel. ſagend. Ob jr nit hoͤrt mein ſtȳme. diſe groſſe menig wirt gekeret in ein kleins volck. wan ich zerſtreüe ſÿ. wan̄ ich waÿß das mich das volck nit hoͤrt. Wan̄ das volck iſt herttes halßbaÿns. Vnd es wirt gekeret zuͦ ſeinem herczē in dem land ſei­ner gefaͤngknuß. vnd ſÿ werden wiſſen. das ich bÿn d̓ herre jr got Vnd ich gibe jn ein hercz. vnd ſÿ vernemen. vnd oren. vn̄ ſÿ hoͤren Vnd ſÿ loben mich in dem lannde jrer gefaͤngknuß. vnd werden ge dencken meines namen. Vnnd ſÿ abkeren ſich vō jren herttē ruck­en. vnd vō jren boßhaͤfftigkeiten. vnd gedencken des wegs jrer vaͤ ter. die do ſündeten wid̓ mich. Vn̄ ich widerruͤffe ſÿ in das land. daz ich ſchwuͦr jren vaͤtern. abraham. ÿſaac. vnd jacob. vnd ſÿ herſchē ſein. Vnd ich manigfaltige ſÿ. vn̄ ſÿ werdē nit gemÿndert. Vnd ich will jn ſeczē ein andere ewige ge­zeügknuß. das ich jn ſeÿ zuͦeinem herren. vnd ſÿ werden mir in ein volck Vnd ich bewege fürbaß nit