Seite
des propheten clxvii Mb die ſünde die jr ha­bend geſündet vor gott werdet jr abgefuͤret ge fangen in babÿlon von nabuchodonoſor dem künige der babÿlonier. vnnd alſo. So jr ein­geet in babylon. jr werdet do vÿl jar vnd lange zeÿt biß zuͦ ſiben ge ſchlaͤchten. Aber darnach fuͤre ich euch außs von dannen mit frid. Aber nun werdet jr ſehen in babÿ lon die guldin goͤtter. vnd die ſil brin. vnd die ſteinin. vnd die hül czin. tragen auff den achßeln. zeÿ­geend die forcht den heÿden. Dar­umb. ſecht. das auch jr icht wer­der geleÿch den frembden werckē. vnd fürchtend. vnd eüch begreÿſ fe die forchte in jnen. Vnnd ſo jr nun habt geſehen die ſchare von hÿnden. vnd von vornen. anbet­tend. ſo ſprecht in eüwern hercz­en. O herr es gezÿmmet dich an zuͦbeten. Wan̄ mein engel iſt mitt eüch. wann ich ſelb ſuͦche eüwere ſelen. Wann auch jre hoͤlczer. die do ſind gehobelt von dem werck­man̄. auch die übergüldeten. vnd die überſilberten. ſind falſch vnnd mügen nicht reden. Vnd als die junckfrawe. die do liebhat die ge­zierde. Alſo ſind angenaͤm die ge machten ding von golde. jre goͤt ter haben guldin kronen auff jren heübten. dauon abziehen von jn die brieſter das ſilber. vn̄ das gol­de. vnd verczeren es jn ſelber. Sy geben auch auß jne den verſeczten in den gemeynen heüßern. vn̄ ord nen den gemeÿnen weÿbern. vnd aber ſo ſÿ es empfahen von den gemeÿnen. ſo zieren ſÿ jre goͤtter Diſe werden nit erloͤßet von dem roſßt. vnd von der milben. Wan̄ ſÿ bedecken ſÿ mit gewande. vnd mit purpur. vnd ſtreÿchen außs jre antlycze vmb den ſtaube des hauß. der do vil iſt vnder jn. Wan̄ ſÿ haben ein cepter als ein menſch als ein vrteÿler der gegent. der nit toͤdtet die do ſünden wider jn. Sÿ haben auch ein waffen vnnd ein agkſt in der handt. aber ſÿ erloͤßē ſich nit von dem ſtreÿt vnnd von den reüben. Dauon ſeÿ eüch kunt das ſÿ nit goͤtter ſind. Darumb. nicht fürchtend ſÿ. Wan̄ als ein zerbrochens faßs des mennſchen wirt gemachet vnnücz. alſo ſind auch jre goͤtter. So ſÿ ſind geſe­czet in dem haußs. jre augen wer dend vol des ſtaubes. von den fuͤſ ſen der eingeenden. Vnnd als ett­lichem der do betrübet den künige ſind vmbczeünet die thuͤren. oder als das todt. das do wirdet gefuͤ ret zuͦ dem grab. Alſo ſicheren die brieſter die thuͤren mit beſchließ­ſungen. vnnd auch mit ſchloſſen. das ſÿ nicht werden außgezogen von den dÿeben. Vnnd ſÿ zünden jnen an vil laternen. Auß dem ſo mügen ſÿ keins ſehen. Wann ſÿ find als die traͤme in dem haußs. Wann jre herczen werden geſa­get zuͦ verſchlÿnden die ſchlangē die do ſind von der erden. ſo ſÿ eß­ſen. vnd jre gewandt. vnd ſÿ. em pfinden ſein nicht. Ire antlÿcz dÿ find ſchwarcz. von dem rauch der do wirdet in dem haußs. Auff jr­em leybe vnnd auch auff jren heü bteren. do fliegend die eülen. vnd auch die ſchwalben. vnnd darzuͦ