Seite
des propheten clxix propheten ezechiel. nach dem als es iſt vō vns außgetulmaͤtſchet. Darumb. wan̄ es gibt einen lau tern vil offenbaren ſÿn den leßern Wan̄ es iſt geſchriben. vnd gezeÿ chenet mit den puncten. die man heyſſet. cola. vnd comata. Iſt aber dz mein freünde das buͦch verſpo te ſo ſprecht zuͦ jn alſo. Das nÿe­mant ſey der ſÿ darzuͦ treybe. vnd noͤtige. das ſÿ mein geſchrifft ab­ſchreÿben. Aber ich furchte das jn das begegne. das kriechiſch iſt ge ſaget. vnd wir bedeüten. vn̄ wer­den geheyſſen vagolidorj. das iſt. eſſende die eerabſchneÿdung. Ein ende hat die vorrede. Vnd hebt an das buͦch oder die weÿß­ſagung des prophetē Ezechielis. Das erſt Capitel Wie Ezechiel ſahe das geſicht d̓ vier thier. vnnd reder des throns gottes. vnd der bÿldnuß darauff Vnd es ge­ſchahe in dē dreÿßigiſten jare. in dem vierden vnd in dem fünff ten monedt. do ich was ī mitte der gefangen beÿ dem flußs thobar. die hȳmel wurden auffge ton. vnd ich ſahe die geſicht gots An dem fünfften tag des monetz vnd iſt das fünfft jare des über­gangs joachim des künigs juda Vnd das wort des herren warde geton zuͦ ezechiel dem ſune buzi dem brieſter in dem lande der chal deer. beÿ dem flußs thobar. Vnnd do warde die handt des herren u­ber jn. Vnd ich ſahe. vn̄ ſecht Ein wyndt des wÿndtſpreüls kame vō mittnacht. vn̄ ein groſſe wol­cken. vnd darjnn ein welczendes feüwer. Vn̄ ein ſcheÿn in ſeinem vmbkreÿß. vnd vō ſeiner mitten als ein geſtalt des goldtſchaum̄s das iſt vō mitte des feüers. Vnd in ſeiner mitt ein geleichnuß vier thÿer. vnd diſes iſt jr angeſichtt. Die geleychnuß des menſchē wz in jn. Vnd vier antlÿcz einem vn̄ vier flügel ein em. Vnd jre fuͤßs waren recht fuͤß. vnd die ſole jrs fuͦßs was als die ſole des fuͦßs ei nes kalbs. vnnd funcken als die angeſicht des leüchttenden eeres. Vnd die hende des menſchen wa ren vnder jren federn in vier teÿlē vnd ſÿ heten antlÿcz vnd federn durch vier teÿl. vnd jr flügel wa­ren zuͦſamen gefuͤget. des einen zuͦ dem andern. Sÿ kerten nit wider ſo ſÿ giengen. vnd ein ÿegkliches giēg vor ſeinem antlÿcz. Aber die geleÿchnuß jrer angeſicht. das an geſicht des menſchen. vnd dz an­geſicht des leowen zuͦ jrer gerech­ten. vier. aber daz antlÿcz des och ſen zuͦ jrer lyncken. vier. vnd das antlÿcz des ad lers von oben jrer vier. vnd jre antlÿcz vnd jre fede ren außgeſtrecket darüber. wen .aa. j.