Seite
Die vorrde in Ezechielei nitt den künigen. noch ſegnen ſÿ. Sÿ zeygen nit den heÿden die zeÿ chen jm̄ hȳmel. noch leüchtē als die ſun̄. noch erleüchtē als d̓ mon Die thÿer ſind beſſer den ſÿ. die do mugen fliehen vnder das dach vnd das es jn mag nuczen. Dar umb iſt es in keiner weÿße offen bar das ſÿ ſeÿen goͤtter. Darumb nit fürchtet ſÿ. Wan̄ als in dem kürbßgarten die forcht nichcz be­huͤtet. Alſo ſind jr goͤtter. die hül czin. vn̄ die ſilbrin. vn̄ die guldin Vnd zuͦ geleÿcher weyße auch in dem gartten. in dem do wachßent die weyſſen doren. auff dem do ſi­czet ein ÿegklicher fogel. Vnd zuͦ geleÿcherweyß auch den todten. d̓ do iſt geworffen in den finßternuſ ſen. den find geleÿch jr goͤtter. die hülczin. vnd die übergüldetē. vn̄ die überſilberten. Vnd vō dē pur­pur. vnnd die roten farben. die do auff ſÿ gefaͤrbet werden. Darum̄ wiſſend dz ſÿ nit ſind goͤtter. Au ch werden ſÿ geeſſen zuͦm̄ jüngſtē vnd es wirt zuͦ einem laſter md̓ gegent. Beſſer iſt der gerecht men ſch. der do nicht hat die abgoͤtter. wan̄ er wirt ferr vō den laſtern. Ein ende hat daz buͦch Baruch Vnd hebt an die vorrede über dē propheten Ezechielem. Er prophet Ezechiel. iſt gefangen ge­fuͤret wordē mit dem kü­nig joachim. der ein künig iſt geweſen in juda. vnd iſt gefuͤ­ret worden in babÿlon. vnd doſel ben hat der obgeſchriben prophet auch geweÿſſaget ſeinen mitgefā gen. vnd beſunder den. die do rew heten. das ſÿ ſich willigklich he­ten gegeben jren widerſachen. na­ch der weÿſſagung d̓ propheczeiē heremie. vnd das was darumb das ſÿ noch ſahen ſteen die ſtatt jheruſalem. die er doch het geſp­rochen. ſÿ ſolt fallen vnd zerſtoͤrt werden. Vnnd in dem dreyſſigiſtē jare ſeines alters. vnd in de funff ten jrae der gefaͤngknuß. huͦbe er an zuͦ reden zuͦ ſeinen mitgefangē Vnd in der ſelben zeÿt hat geweiſ ſaget ezechiel in chaldea. vn̄ jhe­remias in judea. Dedoch iſt eze­chiel nach der zeyt zuͦ nemen. als er hat angefangen. iſt er geweſen nach jheremiam. Vnd ſein wort find nit übrig meiſterlichen. noch auß der weÿße beüriſch. od̓ grob. Aber auß jn beÿden mittler maß. Vnnd er iſt geweſen ein brieſter. als jheremias. Vnd ſein buͦch iſt an dem anfang vnd an dem ende eingewÿckelt in groſſe verborgē heyt. Vnd auch die außlegunge. die man nennet. vulgata. editio. in der man nit magwiſſen dē mei ſter. iſt nit vil ferr vō der hebreÿ­ſchen warheÿt. Vnd darūb muͦß mich das genuͦg wunderen. was das ſeÿ geweſen. das wir haben in allen buͤchern die ſelben außle­ger vnd tulmaͤtſchē. das ſÿ in et­lichen buͤchern haben gefuͤgt einen ſÿn. vnd in etlichen buͤchern find geweſen zwÿtraͤchtig. Vnnd dar­umb ſollet jr leßen diſes buͦch des