Seite
des porpheten cccv bluͦt. ſpricht der herrgot. Die ſel ben werden eingeen in mein hey­ligtumb. vnd die ſelben werdē zuͦ tretē zuͦ meinem tiſch. das ſÿ mir dienen vnd behuͤten meine geÿſt liche zierd. vnd wenn ſÿ eingeen in die porten des innereſten vor­hauß. ſo ſoͤllen ſÿ angeleget wer­den mitt leÿnm kleÿdern. vnd ni­chts wolles ſol kommen auff ſÿ ſo ſÿ dienen in der porten des in nereſten vorhauß. vn̄ jnwendig leÿnm haubē werdē auf jrē haub ten. vnd leÿnin niderwatt werdē an jren lenden. vnnd nicht ſoͤllen ſÿ gegurtet werdē in dē ſchweyß. Vnd wen̄ ſÿ geen in das vorder eſt hauß zuͦ dem volcke. ſo ſoͤllen ſÿ ſich außthuͦn vō jrem gewan­de in dem ſÿ haben gedienet. vnd legen ſÿ in dÿe ſchaczkāmer des heÿligtumbs. Vn̄ ſoͤllen ſÿ beklei den mit anderem gewande. vnnd ſoͤllen nit heÿligen das volck in jrē gewande. Aber jr haubt wer­den ſÿ nitt beſcheren. noch ſoͤllen ziehen einē ſchopff. Sunder aber ſcherend ſoͤllen ſÿ ſcheren jr haub te. Vnd den wein ſolt nit trincken ein yegklicher brieſter. ſo er iſt ei gangen in das innereſt vorhauß Vnd ein wÿttwe vnd ein vertey ben weÿb ſoͤllen ſÿ nit nēmen zuͦ haußfrawen. ſunder junckfrawē vō dem ſamen des hauß jſrahel. Sunder auch ein wÿttwe. die do iſt ein wÿttwe vō einem brieſter werden ſÿ nēmen. vnd mein vol cke werden ſÿ lernen was do ſeÿ zwÿſchen den heyligen. vnnd den vermeÿligten. vnd zwÿſchen den reÿnen vn̄ vnreÿnen. das werdē ſÿ jn zeÿgen. Vnnd wen do wirdt ein zweyung. ſo werden ſÿ ſteen in meinen gerichtē. vnd werden vrteÿlen mein ee. Vn̄ mein gebot werden ſÿ behuͤttē in allen meinē hochzeÿtlichen zeÿten. vnd mein feÿrtage werden ſÿ heÿligen. Vn̄ zu einem todten menſchen ſoͤllen ſÿ nit eingeen. daz ſÿ nit werden vermeÿliget. nur zuͦ dem vatter. vnd zuͦ der muͦter. vn̄ zuͦ dem ſun vnd zuͦ der tochter. vnd zuͦ dē bruͦ der. vnd zuͦ d̓ ſchwoͤſter. die einen andern man nit hat gehabt. in dē ſÿ werden vermeÿliget. Vn̄ wen er wirt gereÿniget. ſiben tag wer den jm gezalt. vn̄ an dem tag ſei­nes eingans in die heyligkeit zuͦ dem inneren vorhauß. das er mir diene in meinē heÿligtumb. vnd opffer für ſein ſünd. ſpricht d̓ her re gott. Aber die erbſchafft wirt jm nit. Ich bÿn jr eerb vn̄ die be­ſiczung wert jr jn nit geben in jſ­rahel. Wan̄ ich bÿn jr beſiczung das opffer des thieres vmb die ſünde vnd vmb die verlaſſenheit werden ſÿ eſſen. vn̄ alles gelubd iſrahel wirt jr. Vn̄ die erſtling aller erſtgebornen. vn̄ alle opffer vō allē den. die do geopffert wer den. die werden der brieſter. Vnd die erſten frücht aller ſpeÿſe wer det jr geben dē brieſtern. das ſÿ dz einlegen zuͦ einē ſegen jrem hauß Ein yegklich geſtorben ding od̓ gefangen von den wilden thierē vō vogeln vnd vō vÿhe werden die brieſter nit eßſen. Das xlv Capitel Wie ezechiel beſchreibt das land. ff. j.