Seite
des propheten ccvi Die oͤles maß die do heÿſt batus iſt ein zehenteÿl einer mut. Wan̄ zehen bati erfüllen ein mut. Vnd einen wider von der heerd zweÿ erhundert. vō den. dÿe do erneren iſrahel. in das opffer. vnd in das gancz angezündt opffer. vnd zuͦ fridſamē opffer zuͦ reÿnigen vm̄ ſÿ. ſpricht der herr got. Alles vol cke der erden wirt ſchuldig diſe er ſte frücht dem fürſten in iſrahel. Vnd über den fürſten werdē dÿe gancz enzundten opffer. vnd die gemeÿnen opffer der ſpeÿß. vnd des weÿns in den hochzeyten vn̄ in den neüē moneden. vnd an den ſabathen. vnd in allen hochzeÿtē des haußs iſrahel. Er ſelb wirdt opffer machen für die ſünd d̓ hei ligkeÿt. vnd das gancz enzündet opffer. vn̄ die fridſamen opffer. zuͦreÿnigen vmb das hauß jſra­hel. Das ſprichet der herre gott. In dem erſten mon an einem tag des moneds. nÿm̄ ein vngemey­ligtes kalb von d̓ herd der rind̓. vnd reÿnigen wirſt du das heÿ­ligtumb. Vnd der brieſter ſol hin nēmen vō dem bluͦtt des opffers das do wirdt für die ſünde. vnd wirt daz legen an die thürſtuͤdel des haußs. vnnd in die vier win ckel der hoͤhe des altars. vnd an die thürſtuͤdel der portten des in­nerſten vorhaußs. Vn̄ alſo wirſt du thuͦn an dem ſibenden tag des monedz vmb einen ÿegklichen d̓ nit hat geweſt vnd vō jrrung iſt be trogen. vn̄ wirſt reÿnigē vmb das hauß. In dem erſten moned an dem vierzehenden tag des mo neds wirt eüch die oͤſterlich hoh zeÿt Siben tag werdt jr eſſen vn̄ geſeürtes oſterbrot. Vnnd d̓ fürſt wirt machen opffer an dem ſelbe tage für ſich. vnd vmb alles vol cke der erden ein kalb für die ſün de. Vnd in ſiben tagen d̓ hochzeyt wirt er machē ein gancz ent zün­detes opffer dem herren ſiben kel­ber. vn̄ ſiben vngemeÿliget wider aller taͤglich. ſiben tag. vn̄ für die ſünde einen zÿgerbocke alle tage. vnnd der heÿligkeÿt opffer ephi durch das kalb. vn̄ ein ephi dur ch den wider wirt er machen. vn̄ ein hÿn des oͤls. durch ÿegkliche ephi. In dem ſibenden moned. an dem zweÿnczigſten tag des mo­neds. in der hochzeÿte wirdet er thuͦn alles das do oben geſproch en iſt durch ſibē tag. als wol vm̄ die ſünd. als vmb das gancz ent zündt opffer. vnnd in dem opffer vnd in dem oͤl. Das xlvi Capitel Von den gebotten opffern der für ſten. vnd vō den willigen opffern vnd von den ewigen. As ſpricht der herr got Die porten des inner­eſten vorhaußs. die do U ſihet gaͤn orient wirdt verſchloſſen ſechs tage in den das werck geſchlht. Aber an dem ſab­bath wirdt ſÿ aufgeton. vnd ein geen wirt der fürſt durch dē we­ge der vorlauben der porten von außwendig. vnd ſteen wirdet er auff dem geſchwelle der portten. Vnd werden machen die brieſter jr gancz entzündtes opffer vn̄ jr fridſam opffer. vnd anbeten auf ff. ij.