Seite
Ezechielis Die weyſſagung waſſer. biß an die knÿe. vnnd er maß anderweÿd tauſent. vnd er fuͤret mich durch das waſſer biß an bie nÿeren. Vnd maß tauſent einē bach. den ich nicht mocht dur chgeen. wan̄ die waſſer des tief­fen anlauffenden bachß wuͦchßen der int mocht durchgewatē wer den. Vnd er ſprach zuͦ mir. czihe menſchen kind. haſt du das geſe­hen. Vnd er fuͤrt mich. vnd keret mich czuͦ dem waſſer des bachßs. Vnd do ich mich hett vmbkerett ſehet. an dem waſſere des bachßs waren garull hoͤlczere zuͦ beÿden ſeÿten. vnd er ſprach zuͦ mir Diſe waſſer die do außgee zuͦ dem ber­ge des orientiſche ſandes. vn̄ ffieſ­ſen ab zuͦ der eben der wuͤſte. dye werden eingeen in das meer. vn̄ werden außgeen. vnd die waſſer werden geſund. Vnd ein ÿegkli­che lebendige ſele. die do kreüchet wohin der bach kūmet. wirdt le bendig. vnd werden vil viſch ge­nuͦg. wen̄ nun dohÿn kūmen dÿe waſſer. Vnd ſÿ werden geſundt vnd werden leben alle. zuͦ den kō met der fluß. vnd werden darauf ſteen vil fiſcher. Von engaddi der gegent. biß zuͦ engalim wirdt die trucknung der necze. Manigerleÿ geſchlaͤcht werden jre viſche. als die viſch des moͤres gar groß me nig. Aber in ſeinen geſtatten. vn̄ in ſeinen pfüczen werden ſÿ nitt geheylt. wen̄ in ſalcze werden ſÿ gegeben. Vnnd auf dem bach wirt aufſprÿeſſen auff ſeinem fluß zuͦ beÿden ſeÿtē all oͤpffelbaum. Nit wirt ſein laub zuͦrynnen von jm vn̄ nit wirt zuͦrȳnen ſein frucht. in ÿegklichē monedē wirt erbrȳ gen erſt frucht. wan̄ ſeine waſſer werden außgeen von dē heÿlig­tumb. Vnd ſein frücht werden in ein ſpeyße. vnd ſeinebleter zuͦ er czneÿ. Das ſpricht der herre got Das iſt der kreÿß. in den jr werd beſiczen die erde in den zwoͤlffge­ſchlaͤchtē iſrahel. wan̄ joſeph hat ein zwÿſach ſtrichlin Aber jr wer det ſÿ beſiczē yegklich eben geleÿ che als ſein bruͦder über die ich ha be aufgehaben mein hand. dz ich ſÿ gaͤb eüeren vaͤttern. Vnd dÿe ſelb erde wirt eüch fallen in ein be ſiczung. Das iſt der kreÿß d̓ erdē zuͦ der mit naͤchtlichen gegent vō dem groſſen meere an dem wege Ethalon den kōmenden zuͦ dē er­den gegē ſada da. emath. berotha ſabarim. daz do iſt in der mitte da maſc. vnd der anſtoſſenden endē emath. die heüſer thicon. das do iſt neben dem kreÿß auran. vnnd der kreÿß wirt von dem moͤr biß zuͦ dem vorhauße enon. der kreÿß damaſci. vnd von mittnacht biß gaͤn mittnacht. der kreÿß emath die mit naͤchtlich gegent Aber die orienttiſch gegent von der mitt d̓ gegent auran. vnd von der mitt der ſtatt damaſci. vnd vō der mit galaad. Vnd von der mit der er den iſrahel. vn̄ von dem ende des jordans. zuͦ dem orienttiſchen moͤ re werdt jr ſchneÿden die gegent gaͤn orient. Aber die gegent gaͤn dem mittag von thamar biß zuͦ dē waſſern der widerſprechung cha­des. vnd der bach biß an das groß moͤre. das iſt die gegent gaͤn mit tag. vnd die gegent des meeres.