Transkription / Biblia, dt. [415

Des Propheten ccix Vn̄ der künig ſprach zuͦ affenem dem fürgeſaczten der keüſchen dz er einfuͤret die kinder von den ſü nen jſrahel. vnd von künigklich em ſamen vnnd der landtgrafen in dem da keyn mackel were ſchoͤ nes bildes. vnnd geleret in aller weyßheyt. vnd ſicher in der wiſſenheyt. vnnd gelert in der zucht vnd die da moͤchtē ſteen in dem palaſt des künigs. dz er ſÿ leret die buͦchſtaben vnd die zungen d̓ chaldeer. Vn̄ der künig ſatzt das jaͤrlich getreid durch alle tag. dz ſÿ wurdē gefuͤret dreü jar vō ſei nen ſpeyſen. vn̄ von dē wein von dē er ſelber tranck. vnnd darnach ſtuͦndē in dem angeſicht des küni ges. Darum̄ es waren vnder jn von den ſünen jude. daniel. anani as miſahel. vnd azarias. Vn̄ der fürgeſaczt d̓ keüſchē legt jn auff namē. danieli. balthaſar. vn̄ ananie. ſÿdrack. miſaheli. miſach. vn̄ azarie abdenago. aber daniel für ſaczt in ſeim herczen. dz er nicht wur de vermeyliget von dē tiſch des künigs. noch von dem weyn ſeines trancks. vnd er bat dē fürgeſacztē der keüſchen das er nitt wurd vermeyliget. Aber got ga be danieli die genad vnnd die er baͤrmbde in dē angeſicht des fürſten der keüſchē. Vnd der fürſt d̓ ſprach zuͦ damelē Ich fürcht mei nen herren den kunig d̓ eüch hat geſeczet die ſpeyß vnd dz tranck ob er ſihet eüer antlütz megeret vor den andern der jünglingē eü er mittaltē. jr werdt verdammē mein haubt dē künig. Vnd daniel ſprach zuͦ malaſar. dē der fürſt der keüſchen het geſeczet über da nielem. ananiam. miſahelem. vn̄ azariā. Ich bit verſuͦch vns dein knecht zehen tag. vnd vns werden gegeben linſen zeeſſen. vnnd waſſer zetrincken. vnd ſchaw vn̄ ſer antlütz vnd die antlutz d̓ kin der. die da eſſen die künigklichē ſpeyß. Vn̄ aͤls du ſiheſt. alſo thuͦ mit deinen knechtē. Da er het ge hoͤrt das wort er verſuͦcht ſÿ zehen tag. Vnnd nach zehen tagen jr antlütz erſchynen beſſer vnnd feyſter vor allen kindern. die da waren gefuͤret mit künigklicher ſpeyß. Darum̄ malaſar nam die ſpeyß vnd dē weyn jres tranckes vnd gab jn linſen. Vnd der herre gab diſen kinden die wiſſenheyt vnd die lere in eim yegklichē buͦ ch. vnd in der weyßheyt. aber da nieli gabe er die verſtentnuß aller geſicht vnd der treum. Vn̄ da die tag alſo waren erfüllet nach dē der künig hett geſaget das ſÿ wurdē eingefuͤret. der fürgeſaczt der keüſchen fuͤret ſÿ ein in dē an geſicht des künigs. Vn̄ da d̓ künig het geredet zuͦ jn. da wurden nit funde ſoͤlich von allen. als da niel vnd ananas miſahel. vnnd azarias. Vnd ſÿ ſtuͦnden in dem angeſicht des künigs vn̄ ein yeg klich wort der weißheyt vnd der verſtentnuß dz der künig vorſch et von jn. fand der künig in jn ze henfaltigklich über alle warſager. vnd über die ſternſeher. dye da waren in allem ſeinem reich. Vnd damel was biß zuͦ dē erſten jar cyri des künigs. gg. j.