Seite
zacharie Die weyſſagung erwecket von ſeinem ſchlaff. Vn̄ ſprach zuͦ mir. Waz ſiheſt du. vn̄ ſch ſprach. Ich ſih einen ganczen guldin leüchter. vn̄ ſein ampeln auff ſeinem haubt. vnd ſein ſiben lucernen auf jm. vn̄ ſein ſiben ein gÿeſſend kandeln dē lucernen. die do waren auff ſeinem haubt. vn̄ zwen oͤlbaum auff jm. einer zuͦ d̓ gerechten der ampeln. vnd einer zuͦ jrer lincken. Vnd ich antwur­tet vnd ſprach zuͦ dem engel d̓ do redt in mir. ſprechend. Mein her re was ſind diſe ding. Vn̄ der en gel. der do redt in mir antwurtet vn̄ ſprach zuͦ mir. Weÿſt du den nit was diſe ſind. Vnd ich ſpra­ch. Neÿn mein herr. Vnd er ant­antwurtet vnd ſprach zuͦ mir ſp rechēd. Das iſt daz wort des her ren zuͦ zorobabel ſprechend. Nitt in de heer noch in der ſterck. ſund̓ in meinem geÿſt. ſpricht der herr der heer. Waz biſt du groſſer ber ge vor zorobabel in die eben. Vn̄ er wirt außfuren den erſten grūd ſteÿn. vnd wirt ebenmachen die genad ſeiner genade. Vn̄ dz wort des herrē iſt geton zuͦ mir ſprech­end. Die hend zor obabel habē ge grundueſtet diſes hauß. vnd ſeȳ hend werdē es volbringen. vnd jr werdet wiſſen. wan̄ der herr d̓ heere hat mich geſendet zuͦ eüch. Wen̄ wer hat verſchmaͤhet dÿe kleÿnē tag Vn̄ ſÿ werdē erfreüt vnd werdē ſehen den zynen ſtein in der hand zorobabel. Diſe ſiben augen ſind des herrn. die do lauf fen in alle erd. Vn̄ ich antwurtet vnnd ſprach zuͦ jm. Was ſind diſe zwen oͤlbawm zuͦ der rechten des leüchters vnnd zuͦ ſeiner lincken Vn̄ ich antwurtet zuͦ dem ander­en mal. vnd ſprache zuͦ jm. Was ſind diſe zweÿ eher der oͤlbaum. die do find beÿ den zweÿē guldin ſchnaͤbeln. in den do ſind die gieß uaß oder die fülluaße auß gold. Vnnd er ſaget zuͦ mir ſprechend. Weÿßt nit was diſe dinge ſind. Vnd ich ſprach. meyn herr neÿn Vnnd er ſprach. Diſe ſind zwen ſüne des ſcheÿnes des oͤls. die do be ſteen dem herrſcher alle erd. Capitel Das v Wie zacharias ein buͦch ſah flÿe geen. dabey bezeÿchent ward dÿe außbreÿtung maniger boßheyt. Vnd vō dē kruͦg den der prophet ſahe außgeen von dem tempele. Darin̄ ein weÿb ſaßs. dabeÿ dÿe abgoͤttereÿ verſtanden würd. Vnd ich ward vmbke ret. vnd huͦb auff mei­ne augen. vnd ſahe vn̄ ſehet. ein gebunden buͤ­ch fliegend. Vnd er ſprach zuͦ mit Was ſiheſt du. Vnd ich ſprach. Ich ſihe ein gebunden buͦch flÿe­geen. ſein lenge zweÿnczig elenbo gen vnd ſein breÿte zehen elenbo­geen. Vnd er ſprach zuͦ mir. Diſes ſt die verfluͦchung. die do wird außgeen auf das antlücz allerer den. wen̄ ein ÿegklicher dieb. als do geſchriben iſt wirt geurteÿlett vnnd ein iegklicher ſchwoͤrender wirt auß de zuͦgeleÿcher weyßge urteÿlet. Ich wird das außfuͤren ſpricht der herr der heer. vn̄ wirt kōmen zuͦ dem hauße des dÿebs. vnd zuͦ dem hauß des ſchwoͤren­