Transkription / Biblia, dt. [450

Danielis Die weyſſagung In ſoͤlich oronunge der zwoͤlff kleynen propheten iſt nicht bey den hebreyſchē die da auch iſt bey vns lateyniſchen. Vnnd darumb nach dem als man liſet alſo ſey ſÿ nach einander geſeczet. vn̄ geſchicket. O zee iſt geteylet alſo das er vil ſÿnnhat. Vnd er iſt re den als einer der da iſt vol meÿſterlicher ſprüch. Iohel der prophet iſt ſchlecht in dem anfange aber in dem mittel. vnd in dem en de iſt er gar verborgen. vnd alſo hat ein yegklicher prophet beſun der ſein eygenſchafft bißs auff dē malachiam. den die hebreyſchen meynen das er ſeye geweſen Eſdras der ſchreyber. vnnd der lerer des geſeczes. Vnnd darumb das es zelangk iſt nun vō jn allen ze ſagen. Vnd darumb paula vn̄ euſtochium. ich verman eüch dz alleyn zewiſſen. das ein buͦch iſt der zwoͤlff propheten. vnnd ozee ſÿnchronon yſaie. Aber malachi am aggei. vnnd zacharie. die ſel ben ſind geweſt zuͦ einer zeit. Ab er in den propheten. in den wirdt nit benennet in jr er überſchriffte jr zeyt in der ſÿ geweyſſaget haben. So iſt das zewiſſen das die ſelben haben geweyſſaget vndter den zehen kunigen. vndter woͤlichē die erſten geſchriben propheter die vor jn haben geweyſſaget vn̄ auch die. die da haben jr über geſchrifft. ¶ Ein ende hat die vorred Vn̄ hebt an das buch Ozee des propheten. Das erſt Capitel Wie ozee gebotten ward. das er ein gemeyn weyb nemen. vnnd kinder mitt jr gebern ſolt. durch die werden verſtanden die juden die frembden goͤttern gedient ha ben. darumb gott ſÿ verworffen hat. Vnnd wie der prophet ſaget von der beruͤffung der heyden zuͦ chriſtum. hie got des herren. das da iſt getan zuͦ ozee dem ſun beeri. in den tagen ozie. joathan. achas ezech le. der künig juda. vnnd in den tagen jheroboā des ſuns Ioas des künigs iſrahel. Es iſt der anfan ge zereden dem herrē in ozee. Vn̄ der herr ſprach zuͦ ozee. Gee vnd nymme dir ein vnkeüſch weybevnnd mach dir ſün der vnkeüſch ungen. Wann vnkeüſchendt vnkeuſcht die erde vom herren. Vn̄ er gienghyn vnnd name gomor die tochter debelann vnnd ſÿ empfieng vnnd gebar auch jm einē ſun. Vnnd der herre ſprach auch zuͦ jm. Heyß ſeinen namen ieſrahel. wann noch ein kleÿne zeytt. vnnd ich heymſuͦch das bluͦt jeſrahel über das hauß jehu. Vnnd ich wird auch ruͦen machen das reych des hauſs iſrahel. Vnd ich zerkniſch an dem tage den bogen