Transkription / Biblia, dt. [518

Malachie Die weyſſagung in meinen ſtadel. das do ſeye die ſpeiß in meinē hauß vnd bewert mich über das. ſpricht der herre. Ob ich eüch nitt wird auff thuͦn die venſter des hȳmels. vn̄ eüch wird außgieſſen den ſegen biß zuͦ der überfluſſigkeyt. vnnd wirde ſtraffen für eüch den freſſenden. vnd wird nit zerſtoͤren die früch te eüer erden. vnd wirt nicht vnfruchtber der weingart in dē acker ſpricht der herr der heer. Vnd alle voͤlcker werdē eüch ſaͤlig mā chen. wān jr werdet ein begirlich erde. ſpricht der herr der ſcharen. über mich haben gewachſſen eüer wort. ſpricht der herre. Vnnd jr ſprecht. was haben wir geſaget wider dich. Vnd jr ſpracht. Der iſt ſchnoͤd. der do gott dienet. Vn̄ was iſt der nütz das wir habē be huͤtet ſeine gebot. vnnd das wir haben gewandert traurig vor dē herren der ſcharen. Darub heyßſen wir nun die hochmuͤtigen ſaͤlig. ya fürwar die do tuͦn die vn̄ gütigkeyt. die ſind gebawen. vn̄ haben got verſuͦchet. vnnd ſeind heylwertig worden den̄ haben ge redt die forchtenden got. ein yegklicher mit ſen naͤchſten. Vnnd der hat auffgemercket vnd gehoͤret vnnd iſt geſchriben das buͦch der gedechtnuß vor jm den fürchtenden got. vnnd den gedenckenden ſeines namens. Vnd ſÿ werden mir. ſpricht der herr der heer in dem tage. in dem ich ſÿe wird machen in beſunder eygene. vnd wird jr ſchonē als der man wirt überſehen ſeim ſun der jm dienet Vnd jr werdet bekeret. vnd wer det ſehen was do ſey zwiſchen dē gerechten. vnnd dem vnguͤtigen. vnd zwiſchen dem dienendē gotvnd zwiſchen dem. jm nit dienen den. Das iiii Capitel Wie die gerechten belonet. vnnd die boͤſen verdamnet ſoͤllen wer den. Vnd wie die judē vor dē letz ſten vrteyl bekeret werdē ſoͤllen. Ann ſehet der tagwirt v kōmen angezündt als j der ofen. vnd es werdē all hochfertig vnnd alle die do thuͦn die vnguͤtigkeyt ein agen. Vnnd ſÿe wirdt anzunden der kōmendt tag ſpricht der herr der herr der jn nit wirt laſſen die wurtzel vn̄ die frucht. Vnd eüch fürchtendē meinē namē wirt augeen die ſunn der gerechtigkeyt. vnnd die geſuntheyt in ſeinen fe dern. Vnd jr werdet außgeen vn̄ werdet ſpringē als ein kalb von der herd. vnd jr werdt treten die vnguͤtigen. ſo ſÿ werden aſch vnder eüern fuͤſſen in dē tag. in dem ich wird thuͦn ſpricht der herrd̓ heer. Seyt gedechtig der ee moyn meines knechts. die ich jm habe gebotten in oreb zuͦ allē jſrahel die gebot vnd die gericht Sehet ich wird eüch ſenden heliam den weiſſagen. ee den̄ do kum̄ d̓ groß tag des herren. vnd der erſchrock enlich. vnd er wirt bekeren das hertz der vaͤter zuͦ den ſünen. vnd das hertz der ſün in jren vaͤtern. das ich villeicht nichtt kumme. vnd ſchlahe die erd mit der verdamnuß.