Transkription / Biblia, dt. [567

cclxxxuli ſachabeorum demetrio vnd athalo. vnd arabe vnd arſaci. vnd in alle land. vnd ſamſame. vnd ſpartanis. vnd de lo vnd mido. vnd ſicione. vnd carie vnnd ſamum vnd pamphiliam. vnd litiam. vnd alacarnaſū vnd rodum. phaſelido. vnd auch choo. vnd ſÿden. vnd arado. vn̄ gortinam. vnd gnidum. vnnd cy prum. vnd cirenem. Aber die ab geſchrifft ſchriben ſÿ ſÿmon dem fu̇rſten der prieſter. vnd dem vol cke der juden. Aber der künig antiochus legert die gezeldt in doram zuͦm andern mal. er zuͦgefuͤget jn alle zeyt den gewalt vnnd machet ſtreitwere. vnd beſchloß triphonem. das er nicht fürgienge. Vnnd ſÿmon ſandt jn zweytauſent mann außerwoͤlt in eyn hilff vnd ſilber vnd gold. vnd vil vaß. vnnd er wolt die nit nemen ſunder er brach alles das das er jm dauor vergluͤbet het. vnd em pfrembdet ſich von jm. Vnnd er ſant zuͦ jn anthenobiū einen von ſeinen freündē. das er mit jm hā delt. ſprechendt. Ir haltet joppen gazaram. vnnd die ſpitzen die do iſt in jheruſalē die ſtett meynes reichs jre end habt jr verwuͤſtet vnd habt gethan ein groſſe blag auff der erden. vnd habt geherſch et durch vil ſtet in meinem reich Darumb yetzund gebt die ſtett. die jr habt bekummert. vnd die zynſe der ſtaͤt. in dē jr habt geher ſchet auſſer den enden judee. woͤllet jr aber nit ſo gebet für ſÿ fünf hundert pſundt ſilbers. vnnd der außiagung. die jr außgeiaget ha bet. vnd der rennt der ſtett ander fünffhundert pfundt. Iſt aber dz nicht. ſo woͤllen wir kōmen vnd ſtreytten wider eüch. Vnd anthe nobius des künigs freünd kam in jheruſalē. vnnd ſahe auch die glori ſÿmonis. vnd die klarheit in gold vnd in ſilber vnd vil koͤſt lichkeyt. vnnd er wunderet ſich. vnd ſaget jm auch die wort des künigs. Vnnd ſÿmon antwurt. vnd ſprach zuͦ jm. Wir haben auch keyn ander landt genommen. ſo beſiczen wir auch keyn frembde erde. aber das erb vnſer vaͤter. das vor ettlichen zeyten von vnſern veinden iſt vngerechtigklichen beſeſſen. Aber ſo wir haben werden die zeytt. ſo woͤllen wir auch rechen das erb vnſer vaͤter Aber von joppe vnnd auch gazara. die du vorderſt. die thetten ein groſſe blag in dem volck. vnnd in vnſerm land der geben wir hū dert pfundt. Vnnd anthenobius antwurt jm keyn wort. Aber er widerkert mitt zoren zuͦ dem künig. vnd verkündet jm wider di e wort vnnd die glori ſÿmonis vnd alle ding die er het geſehen vnd der künig ward zornig mit groſſem zoren. Aber triphon flohe in eim ſchiff in orthoſaidā. vn̄ d̓ künig ſeczet cendebeū einē hertzogen der ſtett an dem moͤre. vn̄ ein heer der reyſſigen. vnd der fuͦß gaͤnger gab er jm. Vnnd gebott m zebewegen die gezeldt der ge wappenten wider das angeſichte judee. vnnd er gebott auch jm zebawen zedronem. vnd auch zuͦ uermauren die porten der ſtatte. vn̄ das volck zuͦ überſtreitē Aber