Seite
ſachabeorum cclxxx nem vnd ſein ſün. alſo das er ſÿe auffhuͦbe. Aber ſÿmon durchzo­he die ſtet. die do warn in dē lan de judee. vnd er truͦg jr ſorgfelti­heyt. vnd er vnd ſein ſün matha thias vnnd judas giengen ab in jhericho. in dem hunderſten vnd ſibenundsibentzigiſten jar in dem eylfften monedt. Das iſt der mo nedt ſabbath. Vnd ptolomeus d̓ ſun abobi nam ſÿ in mein gemau retes ſteetlein. daz do genant iſt doch das er gebaut het mit liſten vnd macht jn ein groſſe wirtſch­affte vnnd er verbarge daſelbſt die man̄. Vnnd als ſÿmon was truncken worden vnd ſein ſün. do ſtuͦnd auff ptolomeus mit dē ſey­nen. die mit jm waren vnnd na­men jre wappen vnd giengē hin ein in die wirtſchafft. vnd toͤdtē jn vnd ſein zwen ſün. vnd ettlich ſein knecht. Vnnd thet ein groß betrieglichkeyt in iſrahel vn̄ vm die guͦtten ding. wider gab er die übel. Vnd ptolomeus ſchrib das vnnd ſandt das dem künig. das er jm ſendet ein heer in die hilff. vnd gaͤbe jm das landt vnnd jre ſtet vnd jre zynß. Vnnd er ſandt ander in gazaram auff zuͦheben johannem. vnd den richtern ſant er brieff. das ſÿ kaͤmen zuͦ jm. ſo wolt er jn geben ſilber vnd gold. vnnd gabe. Vnd ſendet ander zuͦ bekümmern die ſtat jheruſalem vnnd den berg des tempels. Vnd einer lieff vor in gazara. vnd ver kündet Iohann das ſein vatter verdorben waͤr. vnnd ſein bruͤder vnd er hat geſendet das auch du erſtochen wneteſt. Vnd als das het gehoͤret johannes. er erſchra cke groß. vnnd begriff die mann die da waren komen jn zetoͤdte vnnd toͤdtet ſÿ. Vnd die andern der rede johannis vn̄ ſeiner ſtreit vn̄ der guͦten tugent. die er ſterck lichen gethan hat. vnnd des baw es der mauren. die er auffgebaut hat. vnd die uͤbung ſeiner werck nym̄war die ſeind geſchryben in dem buͦch der tag ſeiner prieſter­ſchafft. nach dem als er iſt wordē nach ſeinem vatter ein fürſt der prieſter. Ein en de hatt das erſt buͦch der ſtreytter. vnnd hebet an das ander buͦch machabeorum dz iſt der ſtreytter. Das erſt Capitel Wie das volcke als es die wol­that gottes erkennet gar geraitz. et ward zuͦ der hochzeytlichkeyt der zwyfeltigen feſte Als der rey nigung des tempels vnd des feü ers das auch von hymmel gege­ben warde. Ie bruͤd̓ die juden die do ſind in jhe­ruſalem vn̄ in dem land judea ſagen auch dz hey le vnd guͦte frid den bruͤdern vn̄ juden. die do ſind durch egiptū. Wolthuͤ eüch gott. vnnd ſeye gedechtig ſeines teſtaments. das er geredt hat zuͦ