Seite
buͦch Das ander ſeinē getreüē knechten. abraham yſaac. vnd jacob. vn̄ er gaͤb eüch allen ein hercz. dz er jn eret vnd thuͤet ſeinē willen mit einē groſ­ſen herczen. vnd mit willigem ge muͤt. Er thuͦ auf eüer hertz in ſei nem geſetz. vnd in ſeinē gebotten vnd mache frid. Er erhoͤre eüer gebet. vnd werde eüch verſoͤnet. vnd verlaß eüch nit in der boͤſen zeyt. Vn̄ yetzund find wir hie be tent für eüch. Do demetrius reg­niret in dē hunderſten vnnd. lxix. ſar. wir juden haben eüch geſchri ben in der truͤbſal vn̄ vngeſtuͤme die über vns kam in dē jarē ſeyt des mals dz jaſon iſt hingezogē von der heyligē erde vnd von dē reich. Sy anzundeten die porten vn̄ verguſſen dz vnſchuldig bluͦt vnd wir beten zuͦ dē herren vnnd ſind erhoͤrt worden. vnd wir op­ferten dz heylig opfer vnd ſemel mel. vnd anzündtē die lucern vn̄ fürlegtē die brot Vnnd nun ſoͤlt jr heymſuͦchē die tag der kirchwe he des moneds caßle. dz iſt des wintermoneds. In dē hunderſtē vnd. lxxxviij. jar. das volcke das do iſt zuͦ jheruſalē vnd in judea. vnd die weyſen. vnd judas. wir ſagen heyl vn̄ geſuntheyt ariſto bolo. der do iſt ein meyſter ptolo­mey des künigs. der auch iſt vō dem geſchlaͤchte der geſalbtē prie ſter. vnnd auch den juden. die do ſind in egipto. Wir dancken gott das wir von groſſen verderbnuſ ſen von got ſind erloͤſet worden. allermeyſt do wir wider einē ſoͤ­lichē künig haben gefochtē Wen̄ er hieß die außquellē auß perſis die geſtrittē haben wider vns. vn wider die heiligen ſtat. Wān do er ſelber was ein herczog m per­ſis. vnd mit jm was dz gantz he er. do fiele er in den tempel naner betrogen mit dē rat des prieſters nanee. Wān antiochus vnd ſein freünd kamen zuͦ der ſtat das ſÿ wontē in jr vnd dz er jn naͤm vil geltes in dem namen der morgen gab. Vnnd do die prieſter nanee hetten dz gelt fürgeleget. vnd er mit wenig eingieng in dem vmb gang des tempels. do zuͦſchluſſen ÿ den tempel Vnd do antiochus in dē tempel wz kōmen. do oͤffen ten ſÿ einen heymlichē eingange des tempels. ſÿ ſanten die ſteyn. vnd ſchluͦgē den hertzogen. vnd die mit jm warn. die glider teyle ten ſÿ. vnd do ſÿ jn die haubt ab ſchlugē do wurffen ſÿ ſÿ hinauß Got ſeÿ geſegent durch alle ding der die boͤſen hat alſo dargegebe Wān wir aber werdē mache des tempels reynigung an dem fünff undzweyntzigiſten tag des mo­neds caßlen. das iſt des neünden moneds darūb von notturft we gen woͤllen wir eüch daz offenba ren. dz auch jr begeet die verneü ung der kirchweihe vnd den tag des feüers. der do iſt gegebende neemias opfert die opfer als der tempel vnd der altar find gebaut worden. Wan̄ do vnſer vaͤterdie brieſter hin ſind gefuͤrt in perſis die do zuͦmal gottes diener wa­ren. namen ſÿ das feüer vō dem altar heymlich. vnnd verbargen das in ein tal do ein tieffer vnnd ein truckner brum was. vnnd in