Transkription / Biblia, dt. [573

Machabeorum cclxxxvii abgieng von dē hȳmel. vnd verzeret das gantze angezunt opfer vnd moyſes ſprach warum̄ habt jr nit geeſſē dz opfer vm̄ die ſün de darūb dz nit iſt geeſſen wordē vm̄ die ſünd in der heyligen ſtat vn̄ es iſt verzeret. Auch ſalomō feyret acht tag die kirchweyhe. Diſe ding wurdē eingetragen in die beſchreybung der buͤcher nee. mie. vnd wie er bauet ein liberey vnd ſamelt von den landē die bu cher der prophetē vnd dauid. vn̄ die epiſtel der künig. vn̄ von den gaben des gleichen hatt auch judas. die ding die er het gelernet durch den ſtreit. der uüber vns ergangen iſt. alle geſamelt vn̄ ſind bey vns. Darūb iſt das jn der be geret. ſo ſendet einen der ſÿ eüch bring. Wir haben eüch beſchriben das wir werdē begeen die reynigung. Darum̄ thüt jr wol. iſt dz jr auch begeet die ſelben tag. aber got der ſein volck hat gelediget. vnnd hat jn allen wider gegeben das erbe vnd das künigreich vn̄ die prieſterſchafft vnnd die heyligkeyt. als er das hat gelobet in der ee. alſo hoffen wir. das er ſich ſchier werd erbarmen über vns. vnnd er werd vns ſameln in ein heylige ſtat vnder den hymmel. wan̄ er hat vns erloͤſet von groſ ſen verderbnuſſen. vnnd hatt die ſtatt gereyniget. Aber von juda machabeo. vnnd von ſeinen bruͤdern. vn̄ vō d̓ reinigung des groſ ſen tempels. vnnd der weyhung des altars. vnd auch von dē ſtrei ten anthiochi des edeln vnd ſeines ſuns eupater. vnd von der erleüchtungen. die von dem hymmel find geſchehē zuͦ den. die für die juden ſtercklich haben gethan alſo das ſÿ das gantz land habē gerochen. wiewol jr wenig waren. vnd flüchtig machtē die bar bariſchen menig. vnnd den aller vermertiſten tempel. der in aller welt was. widerbrechten vn̄ die ſtat freÿeten. das die geſetze die waren zuͦuertigen. widerbrechten. als der herr mit aller ſtilligkeyt jn was genaͤdig. auch habe wir begriffen fünff buͤcher vō jaſon zyreneo. die haben wir verſuͦ chet zuͦkurtzen in einem buͦch. ſo wir aber mercken die menig der buͤcher. vnd die ſchwerung. den. die do woͤllen lernen die ſagung. der ding. die do geſchehen ſeind. von manigfaltigkeyt wegen der ding haben wir beſorget. den. die do woͤllen leſen daz es iſt ein luſt des gemuͤtes gelyrnigen. das ſÿ es mügē leichtlich d̓ gedechtnuß beuelhen. das allen leſern d̓ nutz werd gegeben. Vnd vns. die wir diſes werck haben auffgenōmen. von wegen das buͦch zuͦkürtzen nit ein gering arbeyt. ya das do vilmer iſt. wir haben genommen ein werck. vnd ein geſcheffte. das vol iſt der wachung vnd des ſch wayſs. Gleicherweiß als die die ein wirtſchafft bereyten. vnd die do ſuͦchen gehorſam zeſein dē wil len der andern. alſo tragē wir geren die arbeyt vō wegen vil mēſchen. wir verleyhē die warheit von eim yegklichen bewerten lerer. aber wir nach d̓ gegebē form woͤllen vnns fleyſſen der kürtz. ff. j.