Seite
Das ander Buͦch Vnnd do ſÿ hetten auffgehoͤret. vnd widerkerten mit freüden. do erkanten ſÿ das nichanor wz ge­uallen mit ſeinen wappen. vnnd do das geſchrey warde. vnnd er­wecket die betruͤbnuß. mit vaͤter licher ſtym̄ lobten ſÿ den almech tigen herrē. Aber judas der do be reyt was gaͤntzlich in dē gemuͤt vnd mit dē leyb zuͦſterben für die burger. gebot zenemen dz haubte nichanoris. vn̄ die hend mit der achſeln abzeſchneyden. vnd das die getragen wurdē in jheruſalē Do er dahin was kōmen. do be­ruͤffet er die mitgeſchlaͤcht vnnd die prieſter zuͦ dem altar. Er vor dert auch die. die do warn in der ſpitzen. Vnd er weyſet dz haubt nichanoris. vnd die handt. die er leſterlich het außgeſtrecket wid̓ das heylig hauß des almaͤchtigē gots. der do groͤßlich was beruͤ­met. Auch hieß er die zungē des vnguͤtigen nichanoris zuͦſtücken zerſchneyden. vnd die den vogeln zegeben. Aber die handt des vn­ſÿnnigen hieß er auffhencken ge­gen dem tempel. Darumb lobten ÿe all den herren des hymmels. ſprechent. gelobet ſey der herr der ein ſtat vnuermeyliget hatt be­halten. Aber das haubt nichano­ris hieng er auff in die hoͤchſten hoͤhe das es waͤre ein offenbars vnnd ein offenlichs zeychen der hilffe gottes. Vnnd alſo wurden ſÿ all eyntrechtig mitt einem ge­meynen rat ems. das der tage in keynerweyß ſolt on feyer verge­en. ſunder das man den ſolt bege­en in dē dreyzehendē tag des mo neds Adar. der do in der ſtymme ſÿriaca heyßt. der ander tag mar dochei. Nun als diſe ding warn gethan wider nichanorem. vnnd auß den zeyten iſt die ſtatt beſe­ſen von den hebreyſchen. ſo ma­che ich auch hie ein end der rede. Vnnd das es guͦt waͤre. vnd als es den gezimmet der hyſtori dz wolt ich. Iſt es aber mynder wir dig dz iſt mir nachzegeben. wann als alle zeyt weyn trincken oder all zeyt waſſer iſt widerzaͤm Ab er yetzund das. yetzund das an­der zetrincken. luſtig. Alſo auch den leſern. Iſt das jn die predig all zeit vngerecht iſt. ſÿ wirt nit angenaͤm. Darumb wirt ſÿ hye volbracht vnd vollendet Amen. Ein ende hatt das ander buͤ­che der ſtreytter daz man nennet czuͦ latein Machabeorum. Vnnd iſt das letzſt buͦch des altē teſta­ments. zuͦ lob vnnd ere dem all­mechtigen ewigen got. dem eyni gen jmm weſen. dem tryfeltigen in der perſon. Amen. Hie hebet on die vorred iſt er Matheum.