Transkription / Biblia, dt. [605

Gachabeorum ccciii oniam. der do wz geweſt der hoͤheſt prieſter. der was ein guͦtter man vn̄ ſchemig in dē ſichte. meſſig in den ſitten wolgeziertes ge ſprechs. der von kindtheyt was geuͤbet in tugent das der mit auß geſtracktē hendē waͤr bitten für alles volcke der juden. Darnach waͤr erſchinen em ander man. der do was wunderlich an dem alter vnd klarheyt. vnnd der was bey jm in groſſer zierung gehabt. aber Omas gab antwurt ſprechēt Diſer iſt ein liebhaber der bruͤder vn̄ des volckes iſrahel. Diſer iſt d̓ do vil bitt für dz volck. vn̄ für die gantzē heyligē ſtat jheruſalem. jheremias der prophet gottes. vnd dz jheremias hett außgeſtrecket ſein handt. vnd het ge ben jude ein guldē ſchwert vn̄ ge ſprochē. Nym das heylig ſchwer te ein gab vō got. in dē du wirſt niderwerffen die wid̓ſachen mei nes volcks iſrahel. Alſo wurden ſÿ gar groͤßlich vermant mit dē guͦten wortē jude. von den wurdē ſÿ zuͦ dē ſturm erhaben. vn̄ die ge muͤt der jungen man̄ wurden geſtercket. vnd ſecztē jn für ſtercklich zefechtē. vnd zeſtreyten das die krafft oder tugent vrteylt vō den geſchefften. darumb das die heylig ſtat. vnd der tempel wurden beſchediget Wann es wz die mynſte ſorg vmb die weyber vn̄ kinder. vn̄ auch vmb die bruͤder vnd gebornen freünde. Aber die groͤſte vnd erſte forcht was vm̄ die heylikeyt des tempels. beſun der vnd die do waren in der ſtat die hetten nicht die minſten ſorg ueltigkeyt für die. die do waren außgeen vnd ſtreyten Vnd do ſÿ all hofften das dz gericht wurde künfftig ſein vn̄ daz die feinde da waͤren vnd dz heer was geordēt vnd die thier vnd die reyſer wā ren zuͦſamen geſtellet an ein not türfftige ſtat. machabeus mercket die zuͦkunfft der menig. vnnd die manigualtigkeyt des paratz der wappen. vnd der thier freyſſamigkeytt. der ſtrecket auß dye handt in die hȳmel vnd antuͤffet den herren der hȳmel. der do zeychen macht. der nitt gibt nach dē gewalt der wappē. ſunder als es jm geuelt. alſo gibt er den wirdigen den ſig. Aber er ſprach vnnd anruͤffet in der weyſe. Du herre der du geſandt haſt deinen engel vndter Ezechia dem künig jude. vnnd erſchluͦgeſt von den gezeld ten ſenachcrib hundert vn̄ fünf undachtzigtauſendt. Vnnd nun herſcher der hymmel ſende deinē engel vor vns in der forcht vnnd erbidmunge der groͤſſe deines ar mes. alſo das jn die forchten. die mit ſchmehunge kommen wider dem heyligs volck. Vnd diſer betet alſo faſt. Aber nichanor vnd die mit jm waren bewegten ſich hinzuͦ mit buſaumen vnd mit ge ſange. Aber judas. vnnd die mit jm waren. anruͤfften gott. vnnd giengen an durch die gebett mit den henden ſtreyttendt. vnnd in den herczen bittendt den herren. vnnd ſchluͦgen ernyder nit mynder den fünffunddrey ſig tauſent vnnd waren groͤßlich erlüſtiget in der gegenwurtigkeyt gottes. v v. iiij.