Transkription / Biblia, dt. [611

ſancti Mathei cccvi rie. von der iſt geborn jheſus. der do iſt genennet chriſtus. Vn̄ alſo alle geſchlaͤchte von abraham biß zuͦ dauid waren vierzehē geſchlaͤcht. vn̄ von dauid biß zuͦ dē übergang der babilonier vierzehen geſchlaͤcht. vnd von dē übergang der babilonier biß zuͦ criſtū vierzehen geſchlaͤcht. Aber dz ge ſchlaͤchte chriſti was alſo. ¶ Da maria die muͦter jheſu was vermaͤhelt Ioſeph. ee das ſÿe zuͦſamen kamen. ſÿ ward funden habendt jm̄ leyb von dem heyligen geyſt. Vnd joſeph jr gemahel do er was gerecht vnnd wolt ſÿ nitt nemē. er wolt ſÿ heimlich laſſen vnnd da er gedacht diſe ding. ſe het der engel des herren erſchyne jm in dem ſchlaff. ſagent. Ioſeph du ſun dauids nicht fürchte dir zenemen Mariam deinen gemahel. Wann das in jr iſt geboren. das iſt von dem heyligen geyſt. Wann ſÿ wirt geberen einen ſune. vnnd du wirſt ſeinen namen heyſſen jheſus. Wann er wirdt heylſam machen ſein volcke von jren ſünden. Vnnd das iſt alles geſchehen. das erfüllt wurd das geſagt iſt von dem herren durch yſaiam den weyſſagen. ſagendt. Sehet ein junckfraw wirt habē jm̄ leyb vnnd geberen einen ſun. vnnd ſein name wirdt genennet emanuel. Das wirt außgeleget got mit vns. Vnd joſeph ſtuͦnde auf von dē ſchlaff vnd taͤt als jm der engel des herren het gebotten Vnnd nam mariam ſeinen gemahel. vnd erkant ſÿ nit. biß ſÿ ge bar jren erſtengebornen ſun. vnd er hieß ſeinen namen jheſus. Das ander Capitel Wie die künig mit gabe kamen. vnd von erſcheynung des ſterns Vnd wie joſeph durch den engel vermanet mit dē kind. vn̄ ſeiner muͦter in egipten flohe. Wie die kleynen kindlein getoͤdtet wurden. Vnnd wie jheſus wider auß egipto gen Nazareth zohe. Do Vnd do jheſus was ge boren in bethleem jude jn den tagen herodis des künigs Sehet die künig kamen von orient zuͦ jheruſalem. ſagendt. Wo iſt der. der do iſt geboren ein kunig der juden. Wan̄ wir haben geſehen ſey nen ſteren in orient. vnnd ſeyen kōmen jn anzebeten. Da das erhoͤrt herodes der künig er ward betruͤbt. vnd alles jheruſalē mit jm. vnd ſammelt alle fürſten der prieſter. vn̄ die ſchreyber des vol ckes. vnd fraget von jn. wa chriſtus wurde geborn. Vnd ſÿ ſageten jm. In bethleem jude. Wann alſo iſt geſchriben durch den propheten. Vnnd du bethleem juda biſt nit die minſt in dē fürſten ju da. wann auß dir wirdt außgeen ein fuͤrer. der do auch regieret meyn volcke jſrahel. Da vorderet herodes heymlichen dye künig vnnd lernet fleyſſigklichen von jn die zeytt des ſterens. der jn was erſchynen. vnnd ſandt ſÿ czuͦ bethleem. ſagendt. Geet vnd fraget auch gar fleyſſigklich na ch dem kinde. Vnnd ſo jr es habet funden. ſo widerkündet mir