Transkription / Biblia, dt. [696

ewangelium Das Wie jm got ſaget auf dem buſch Ich bin got abraham. vnnd got jacob. Wan̄ gon iſt nit der todtē aber der lebendigen. Darumb jr jrret vil ¶ vnd einer von den ſch reybern. der ſÿ het gehoͤrt fragen vnnd ſahe das er jn hette wolgeantwurt. der genahet ſich. Vn̄ fraget jn was do waͤre daz aller erſt gebot. antwurt jin der herre jeſus. Hoͤre iſrahel dem herr got iſt ein got. Vnnd hab lieb deinen herre gott. auß gantzē den herczen vnd auß gantzer deiner ſele vnnd auß gantzen den gemuͤte vnnd auß gantzer deiner krafft. Diß iſt das erſt gebot. vnd dz an der gebot iſt diſem geleich. Habe lieb deinen naͤchſten als dich ſelber. keyn groͤſſers gebote iſt dan̄ die. Vnd ein ſchreyber ſprache zuͦ jm. Meyſter du haſt wolgeſaget in der warheyt. Das ein gott iſt vnd keyn ander iſt on jn. vnd dz er werde liebgehabt von gantze herczen. vnnd von ganczer vernunfft. vn̄ von gantzer ſele. vnd von gantzer ſtercke. vnd den naͤchſten lieb zehaben als ſich ſelbs das iſt merer allē gantzē opfern vnd den opfern. Vnnd do jheſus ſahe das er weyßlich het geant. wurtet. er ſprach zuͦ jm. Du biſt nit verr von dem reich gotz. Vn̄ keyner dorſte jn yetzund fürbas fragen. Iheſus antwurt vnnd ert jm̄ tempel vn̄ ſprach. In woͤ licherweyße ſagen die ſchreyber das chriſtus auch ſey der ſun da uid. Wann dauid ſprichet ſelb in dem heyligen geyſt. Der herr ſprach zuͦ meim herrē ſicz zuͦ ſeiner gerechtē biß dz ich ſecze dein fein de zuͦ einē ſchaͤmel deiner fuͤß. dar umb dauid heyßt jn ſelb einē her ren. vō wānen iſt er den̄ ſein ſun Vnd vil ſchar hoͤrten jn gern. vn̄ er ſprach zuͦ jn in ſeiner ler. Huͤt eüch vor dē ſchreibern die do woͤl len geen in langen gewandē. vnd gegruͤſſet werden an dem marckt vnnd zeſitzen in den ſÿnagogen auff den erſten ſtuͤlen. vnd die er ſten ruͦen in dē abenteſſen. die do freſſen die heüſer der witwē vnder der behaltnuß des langen gebetes diſe empfahen das lengeſt vrteyl. ¶ Vnnd jheſus ſaß gegen der ſchatzkamer vn̄ ſahe wie die ſchar wurff das gelt in die ſchatz kamer. vnd manig reichen wurf fen manige ding. Vnd do ein arme witwe was kōmen die leget darein zwey ort. das iſt em helb ling. Er vordert zuͦſamen ſein jū gern. vnnd ſprach zuͦ jn. Werlich ſag ich eüch. das diſe arme witwe mer hatt gelegt in den ſchatz dann alle dye do haben geleget. Wann alle haben ſÿ geleget von den das jn iſt überfluſſige. Aber die witwe hat alles das hynein gelegt. das ſÿ hat gehabt vō jrer armuͦt all jr gantze narūg. Das xiii Capitel Wie jheſus ſeinen jungern ſagt von den zeychen vor dem jungſt. en tag kunfftig.