Transkription / Biblia, dt. [747

über Iohannem ccclxxvi ren ſÿ in dem tempel. vnd lobten vnd geſegenten got. ¶ Lucas der ewangeliſt hat hie ein ende. Vnd hebt an die vorrede über Iohamem den ewangeliſten. Iſer Iohannesiſtd̓ewā geliſt. der diſe ewangelia beſchrÿben hat. vnnd er iſt einer auß den jungeren vnſers herren. wan̄ er mit jm gemeÿnſchafft hatt gehabt in eſſen vnd in trinckē. vnd darzuͦ in geÿſtlicher uͤbunge. vnd er iſt geweſen ein junckfraw des leÿbs vnd der ſele. vnd er iſt von got außer woͤlt. daz er ſolt beleÿben ein jūck fraw. Den vordert gott von der hochzeÿt. do er willen hett beÿzuͦſchlaffen. vnd jm wirdt gegeben zwÿfeltige gezeügknuß in diſem ewangelio. warumb jn Iheſus iner den̄ die ādern hat liebgehabt die erſt gezeügknuß iſt dz. d̓ herr wolt. dz er belÿb ein keüſche juck fraw. Die ander gezeügknuß. dz jn der herre hatt liebgehabet mer dan̄ die andern. iſt das. das jm d̓ herr. do er hieng an dem kreücze. die junckfrawen ſein muͦter empfahe. der junckfrawen johanni auff das. das ein junckfraw dienet vnd behyelt die andern jnnck frawe. vnd fürwar diſer Iohan nes hat offenbar gemachet in ſeÿ nem ewangelio. beſunder das er hat angehebt das werck des vnzerſtoͤrlichen worts. in dem dz er angehebt hatt ſein ewangelium von dem ewigen wort. vnd von dem vnbrüchlichen wort. mit dem do er alſo ſchreÿbet. In principio erat verbū. Das iſt. Im̄ anfang was dz wort. Wan̄ mit den wor ten offenbaret er das criſtus jhe ſus ſeÿ vor aller ewigkeit got ge weſen. vn̄ das der ſelb criſtus jhe ſus ſeÿ das wort. daz fleyſch wor den iſt. vnd das er ſeÿ das wortt durch das der vater alle ding ge machet hat. vnd darumb das Io hānes ſo hoch geſchribē hat vō dē ewigen wort. darūb hat er ein figur eines flÿegendē adlers. zuͦ einer bedeütung das er hoͤher hatt angehebt zuͦſchreÿben in der materi. wan̄ kein ander ewangeliſt. auch gibt er ein gezeügknuß das das wort fleÿſch worden iſt. vnd dz das ſelb wort criſtus Iheſus iſt ein ſoͤllichs liecht. das von der vinſternuß. das iſt von den vinſtern menſchen. vnbegrÿffenliche iſt. Vnnd dauon ſchreÿbt er alſo ſprechend. Das liecht leüchtet in in den vinſternuſſen. vnnd die vin ſternuße haben das nicht begryffen. Der ſelb Iohannes hat geſchriben. das der herr Iheſus criſtus hatt gethon. Sunder das er hatt gemacht weÿn auß waſſer in der hochzeÿt zuͦ chanalgalilee. damit gibt er zuͦuernemen den leſern. das auff ſolt hoͤren. vnd gebrechen ha bē fleyſchlicher wolluſt. wō man criſtū würd ladē zuͦ der hochzeÿt vnd das do ſelbſt was alt in ſün den. das ſolt gewandelet werden in geÿſtlichkeÿtt durch genade. .Z. iiij.