Seite
zuͦ den Romern cccciii on die wercke der ee. Sÿ ſind ſaͤ­lig. der miſſetat ſind vergeben. vn̄ der ſünde bedecket ſind. Saͤlig iſt der man. dem der herr nit veraͤr­get hat die ſünd. darūb diſe ſaͤlig keÿt beleÿbt allein in d̓ beſchneÿ­dung. Oder auch in der überwa­chßung. Wan̄ wir ſagen. das der gelaub ſeÿ Abrahe geſeczt wor­den zuͦ der gerechtigkeÿt Darum̄ in woͤlcherweÿß iſt er bezalt. In der beſchneydung. Oder in d̓ über wachßung. Nit in d̓ beſchneÿdū ge. aber in der überwachßūg. Vn̄ er empfieng das zeÿchē der beſch­neÿdung. das zeÿchen der gerech tigkeÿtt des gelaubens. der do iſt in der überwachßung. Daz er ein vater ſeÿ aller gelaubigen durch die überwachßūg. das es auch jn werde geſeczet zu d̓ gerechtigkeit Vn̄ dz er ſey ein vater d̓ beſchneÿ dung. Nitt allein. den. die do ſind auß der beſchneÿdūg. Sunder au ch den. die do nachfolgen dem fuͦß ſtapfel des gelaubens. Der do iſt in der überwachßung vnſers va­ters abraham. Wan̄ die verheyſ­ſunge Abrahams. Oder ſeÿnem ſamen iſt nicht durch die ee. das er waͤr ein erb der welt. aber dur ch die gerechtigkeÿtt des gelau­bens. Wan̄ ob die allein erben ſeÿ en. die do ſind auß der ee. So iſt d̓ gelaub vernichtet. vn̄ iſt die ver­heÿſſung abgetilget. Wan̄ die ee wurcket den zoren. Wann do nit iſt die ee. do iſt nit die über trettū­ge. darumb iſt auß dem gelauben das die verheÿſſung ſeÿ veſt na ch der genad einem ÿegklichen ſa men Nit allein dem. der do iſt auß der ee. aber auch dem. d̓ do iſt auß dem gelauben Abrahams. der do iſt vnſer aller vater. els geſchribē ſt. wann ich ſeczet dich einē vat­ter vil volckes vor got. dē du ge­laubteſt. der do lebendige machet die todten. vnd vorderet die din ge. die do nit ſind. als die dÿnge die do ſind. der do wider die hoff­nung. in die hofnūg gelaubet hat Das er würde ein vater vil voͤl­cker. nach dem als jm geſaget iſt. Alſo wirdt dein ſam. Als die ſte ren des hȳmels. vnd der ſand des meeres. vnd er ward nit gekren­cket in dem gelauben. noch merck et dz ſein leÿb außgeſtorben wer wiewol er ÿeczund nahend hun dert jar alt ward. vnd der leÿb ſa re auche außgeſtorben. Vnnd er zweÿfelt auch nicht mit vngelau ben in der verheÿſſūg gots. wan̄ er ward geſtercket in dem gelau­ben. gebend die glori got. wiſſend voͤlligklich. das got iſt gewaltig auch zuͦthuͦn woͤlliche ding er ge hÿeß. Vnd darumb iſt es jm ge­zalt zuͦ der gerechtigkeÿtt. Es iſt aber nit allein geſchriben vmb jn das es jm iſt geſchaͤczet zuͦ der ge rechtigkeÿt. Aber vmb vns. den es wirdt geſchaͤczet zuͦ der gerech tigkeÿt. Die wir gelauben in jn. der do hat erkücket vnſern herren Iheſum criſtum von dem tod. der do iſt geantwurt vmb vnſer miß ſetat. vnnd erſtanden vmb vnſer rechtuertigung. Das v capitel .Z. j.