Transkription / Biblia, dt. [811

zuͦ den Hauern ccccx die liebe des heÿligen geyſts. das jr mir helffet in eüeren gebetten zuͦ got. das ich werd erloͤſet von den vngelaubigen. die do find in judea. vn̄ das opffer meines dien ſtes werde empfengklich den heÿ ligen in jheruſalem. das ich kum̄ zuͦ eüch in freüden durch den willen gotes. vnd ruͦe mit eüch. Aber got des frides ſey mit eüch allen Amen. Das xvi capitel Ann ich empfilhe eüch E aber pheben vnſer ſchwoͤſter. dÿe do iſt in dē e dienſt der hirchē die do iſt theucris. Das jr ſÿ empfahet wirdigklich mitt den heÿligen in dem herren. Vnd ſeydt jr beſtendig in einem ÿegklichen geſchaͤft in dem ſÿ eüer bedarff. Wan̄ fürwar ſÿ iſt beÿgeſtanden manigē Vnd mir. Gruͤſt Priſcam. vnnd Aquilam mein helffer in Iheſu criſto. die jr halßadern vnderlegeten vmb mein ſele. den ich nit allein ſag danck. aber auch alle kir chen der heÿden. vnnd jr haußgenoſſen kirchen Gruͤſt ephenetum meinen lieben. der do iſt der erſt in aſÿa in criſto Iheſn. Gruͤßſet ma riam. die do vil hat gearbeÿt vnder eüch. Gruͤſſet andronicum vn̄ juliam mein freünd vnnd mein mitgefangē. die do ſind die edeln vnder den apoſtlen. die auch vor mir waren n criſto. Gruͤſſet am pliatum meinen lÿebſten in dem herren. Gruͤſſet vrbanum vnſern helffer in criſto jheſu. vn̄ ſtachin meinen lieben. Gruͤſt appellen dē fruͤmen in criſto. Gruͤſſer die. die do ſind auß dem hauß ariſtoboli. Gruͤſt herodianē meinen freünd gruͤſt die die do ſind auß dē hauß narciſſi. die do ſind in dem herren Gruͤſt triphenam. vn̄ tri phoſam die do arbeyten in dē herre. Gruͤſt perſidam die aller liebſten. die do vil hat gearbeÿt in dē herren. gruͤſ ſet den erwoͤlten ruffum in de her ren. vnd mein muͦter vn̄ die meinen. gruͤſt aſmerecum fleogontā hermen. patrobam. herman. Vn̄ die bruͤder. die beÿ jn ſind. gruͤſſet philogum vnd juliam. vn̄ nereū vnd ſein ſchwoͤſter. vnd olimpiadem. vnd alle heÿligen die beÿ jn ſind. gruͤſt einander in dem heÿli gen kuß. eüch gruͤſſet all kirchen criſti. Aber bruͤder. ich bit eüch. dz jr mercket. die do machen zwitra chte. vnd beleÿdigung on die lere die jr habt gelert. vnd neÿget eüch von jn. Wan̄ die ſelben dienen nit criſto vnſerm herren. aber jrē bauch. vnd durch die ſuͤſſen wort Vnd durch die ſegen verleÿten ſÿ die herczen der vnſchuldigen. aber eüer gehorſam iſt lauttmer an einer ÿegklichen ſtatt. Darumb ich freü mich in eüch. aber ich wil das jr weÿß ſeÿt in den guͦtten. vn̄ einfeltig in dem übel. vnd got des frides zerknÿſche ſathanā ſchnelligklich vnder eürē fuͤſſen. die genad vnſers herren Iheſu Criſti. die ſeÿ mit eüch Eüch gruͤſſet thÿ motheus mein helffer. vnd Luci us. vnnd Iaſon. vnnd ſoſipater. mein geboren freünd. ich ſelbdrit gruͤß eüch. Der ich geſchriben hab .I. ij.