Seite
Die Epiltel warheÿt gottes zuͦbeſtetten dÿe verheÿſſung der vaͤter. Aber die heÿden eren got über die erbaͤrm de. als geſchriben iſt. Darum̄ ich wil dir herre veriehen vnder den heÿden. vnd ſingen deinem namē Vnd aber ſpricht er. Ir heÿden er freüt eüch mit ſeinem volck. Vn̄ aber alle heÿdē lobt den herrē vn̄ alles volck machet jn groß. Vnd anderweÿde ſprichet Iſaias. Er wirt die wurczel ÿeſſe. Vnnd der do wirt aufſteen zuͦ regieren dÿe heÿden. in den werden die heÿden hoffnung haben. aber got der hoff nung erfülle eüch mit aller freü­de. vnd mit frid in dem gelauben das jr begundt in der zuͦuerſicht. vnd in der kraft des heÿligen geÿ ſtes. Aber mein bruͤder gewiß bÿn ich ſelbs von eüch. das jr au ch ſeÿt vol der liebe. erfüllet mitt aller wiſſenheÿt. alſo das jr mü­get ermanen an einander. Aber bruͤder ich hab eüch kündlicher ge ſchriben auß einem teÿl. als wider fuͤrend eüch in gedechtnuß. vmb die genad. die mir iſt gegeben vō got. das ich der diener Iheſu cri­ſti zuͦheÿligen das ewangelium gottes vnder den heÿden. das. daz opffer der heÿdē werd empfengk lich vnd geheÿligt in dem heyli­gen geyſt. Darumb. Ich hab dÿe glori in Iheſu Criſto czuͦ gott Wan̄ ich getarr nit reden ettwas der ding. die Criſtus nit würckt durch mich in die gehorſame der heÿden. in dem wort. vnd in den wercken. in der kraft der zeÿchen vnd der wunder. in der krafft des heÿligen geÿſtes. alſo das ich er­füllet hab das ewangelium Cri­ſti. von jheruſalē durch den vmb chwaÿff biß czuͦ illiricum. Aber alſo hab ich gebrediget das ewan gelium. nit do Criſtus iſt genan̄t das ich nicht bawete auf ein frēb de grundtueſte. Aber als geſchri­ben iſt in ÿſaia. Den nicht iſt ver kündet von jm. die ſehen. Vnnd die do hoͤreten von jm. die verne met. vmb das ward ich allermeÿ ſte gehindert zuͦkōmē zuͦ eüch. ab er nun fürbaß hab ich nit ſtat. in diſen gegenten. wann ich het bege rung zuͦkommē zuͦ eüch ÿeczund vor manÿgen vergangen jaren. ſo ich beginn zuͦ geen in hÿſpana Ich verſih mich das ich fürgeend eüch werde ſehen. Vnnd von eüch werd dohyn gefuͤret. Ob ich eü­ch zuͦ dem erſtē werd troͤſten auß einem teÿl. Darumb neÿge ich zuͦ jheruſalem zuͦdienen den heyligē wann die macedonier. vnnd dye achaÿer haben bewert zuͦthuͦn ein bredig. oder lere in die armen der heÿligen. die do ſind in Iheruſalē wann es geuiel jn. Vnnd ſÿ ſind jr ſchuldiger. Wann ob die heÿ­den ſeind worden teÿlhaͤfftige jr. er geÿſtlichen dinge. So ſoͤllen ſÿ jn auch dienen in den leÿblÿchen dingen. Darumb ſo ich diſes vol lendt. Vnnd bezeÿchen jn die fru­chte. So will ich dann geen dur­ch eüwch inhÿſpania. Wann ich waÿß das. ſo ich kumme zuͦ eüch das ich kum̄e in der begnūgunge des ſegens Criſti. Darum̄ bruͤder Ich bitt eüch durch vnſeren her­ren Iheſum criſtum. vnnd durch