Seite
zuͦ den Cor inthiern ccccxi geuorderet in die geſelſchafft ſeÿ­nes ſuns vnſers herren Iheſu cri ſti. Aber bruͤder ich bitt eüch dur che den namen vnnſers herren Iheſu criſti. Das jr all ſaget daſ ſelb. vnd das nit ſeÿen zwytracht vnder eüch. Aber ſeÿdt volkom­men in einem ſÿnn. Vnd in einer wiſſenheyt. Wann mein bruͤder. mit iſt begeüt von eüch. von den. die do ſind zuͦ cloes. Das kryeg ſind vnder eüch. Aber bruͤder dÿ­ſes ſag ich. Das eüer ÿegklicher ſpricht. ich bÿn pauli. Ich bÿn ab er appollo. So bÿn ich cephe. ſo bÿn ich criſti. Iſt dan̄ Criſtus ge teÿlt. Iſt den paulus gekreüczi geet vm̄ eüch. Oder ſeyt jr getauf fet in dem namen paull. Ich ſage danck meinem gott. das ich eüer keinen hab getaufft. dann alleÿn criſpum. vnd geÿn m. das keiner ſprech. das jr ſeÿt getaufft in mei nem namen. Ich habe aber auch getauffet das hauß ſtephane. ich waÿß nit. ob ich eüer keiuen der andern hab getaufft Wann Cri­ſtus ſandt mich nit zuͦtauffen. ab er zuͦpredigen. nit in d̓ weÿßheÿt des worts. das das kreücz criſti nicht werde auß geleret. Wann das wort des kreüczes iſt ein tor heÿtt. den. die do verderben. Aber den. die do heÿlwertig werdē. das iſt vns. Iſt es die krafft gottes. Wann es iſt geſchriben. Ich wird verlieſſen die weÿßheÿe der weÿ­ſen. Vnnd wird verwerffen dÿe fürſichtigkeÿt d̓ fürſichtigen. Wo iſt der weÿß. wo iſt der ſchreÿber. Wo iſt der erſuͦcher dÿſer welte. hat den nit gott toret gemachet die weÿßheÿt diſer welte. Aber darumb das in der welt gottes. die welt nicht hat erkennet gott. durch die weÿßheyt hat gefallen got. durch die einfelt der bredig. heÿlſam zuͦmachen die gelaubigē wann auch die juden begeren zeÿ chen. vn̄ die krÿechen ſuͦchē weiß heÿt. Aber wir predigen criſtum gekreücziget. fürware den juden ein ſchand. den heÿdē aber ein tor­heÿt. Aber den. geuorderten juden vnd auch den krÿechen. predigen wir Criſtum. die krafft gottes. vnd die weÿßheyt gotes. Wann das iſt ein torheÿt gottes. das iſt weÿſer den̄ die menſchen. vn̄ das do iſt ein kranckheÿt gots. das iſt ſtercker den̄ die menſchē. Wan̄ bruͤder ſeht eüer ruͤffunge. wann nit vil weÿſſen nach dem fleÿſch. nit vil gewaltig. nit vil edel. aber die ding. die do thoret ſind d̓ wel te hat got erwoͤllt. das er ſchende die weÿſſen. Vnd die ſchwachen diſer welt hat gott erwoͤllet. das er ſchende die ſtarcken ding. vnnd die vnedlen vnd verſchmaͤchlich en ding der welt hat got erwoͤllt Vnd die ding. die nit ſind. daz er zerbreche die ding. die do ſind. dz nicht werde gloriren aller leÿb in ſeinem angeſichte. Auß jm aber. ſeÿdt jr in criſto jheſu. der vns iſt worden die weÿßheÿt. vn̄ die ge­rechtigkeÿt. vnd die heÿligmach ung. vnd die erloͤſunge. das. Als wie geſchriben iſt. wer glorieret d̓ ſol gloriren in dem herren. Das ander capitel .I. iij.