Seite
Die ander Epiſtel Ach der vol brachtē buͦß von den Co rÿnthÿern. ſchreÿbet er jn ein troͤſt. liche epiſtel von troade durch tÿtum. vnd lobet ſÿ. vnnd ermanet ſÿ zuͦbeſſern dingen. vnd erzeÿget auch darjnnen. Das ſÿ ſind betruͤbet worden. aber gebeſ­ſert. Ein end hat die erſt epiſtel zuͦ den Corinthiern. Vn̄ hebt an die vorred über die ander epiſtel czuͦ den Corinthÿern. Vnnd hatt. xiij. capitel. capitel Das erſt Aulus eÿn apoſtel Ihe ſu criſti dur ch den willē gottes. Vnd thÿmothe­us der bruͦd̓ der kÿrchen gottes. die do iſt zuͦ Corinth. mitt allen heÿligen. die do ſind in allē achaia. die genade ſey mitt eüch. vnd der frid von got vnſerm va ter. Vnnd von dem herren Iheſu criſto. Got iſt geſegnet. vnd d̓ vatter vnſers herren jheſu criſti ein vater der erbaͤrmbde. vnd ein got alles troſtes. der vns troͤſt in aller vnſer truͤbſal. das anch wir ſelb mügen troͤſtē die. die do ſind in aller bedruckung durch die vn der weÿſung. mit der auch wir ſel ber werden vnderweÿßt von got Wan̄ als die marter Criſti über­flüſſig ſind in vns. alſo auch dur ch criſtū iſt überflüſſig vnſer tro­ſte. Ob wir aber betrübet werdē vmb eüer ermanung. vnnd heÿl. oder getroͤſtet vmb eüeren troſt. Oder ermanet werden vmb eüer manunge. die do würcket die ge­dultigkeÿtt der ſelben leydungen. die auch wir leÿdē. das vnſer hof nung ſtett. ſeÿ für eüch. wiſſendt das. wie jr ſeyt geſellē der leÿdū­geen. alſo werdt jr auch geſellē des troſtes. Wan̄ bruͤder wir woͤllē nit. das jr nicht wiſſet von vnſer truͤbſal. die do geſchehen iſt in a­ſÿe. wan̄ wir ſind beſchwert über die maß. vnnd über die krafft. alſo das vnns auch verdroß zuleben. Wan̄ wir ſelb hetten in vns ſel­ber die antwurt des todes. dz wir nit ſein in vns vertrawend. aber in got. der do erkücket die todten der vns hat erloͤſt vō alſuil truͤb­ſal. vnd erloͤſt. in den wir hoffen. vnd er wirt vns auch noch erloͤ­ſen. iſt das jr helffet mit eürem ge bett für vns. daz auß vil menſchē angeſicht der gabe. die in vns iſt. durch vil menſchē genadē gewür cket werdē für vns. Wan̄ das iſt vnſer glori die gezeügknuß. vn̄. ſers gewiſſens. das wir haben ge wandert in diſer welt in der eÿn­uallt. vnd in der reÿnigkeÿt got­tes. vnnd nitt in der fleÿſchlichen weÿßheÿt. Aber in der genad go tes ſind wir gewandert in d̓ wel te. doch überfluſſiger zuͦ eüch. wan̄ wir ſchreiben eüch mt ander ding den̄ die jr habt geleſen. vnd erken net. Aber ich hab hoffnūg. das jr