Seite
zuͦ den Cor inthiern ccccxx Ann von den loſungen die do werden geton in die heÿligen. als ich ha­be geordent den kirchen galathie. Alſo thuͦt auch jr durch einen des ſabbaths. Eüer ÿegkli­cher leg bey jm ſelber verbergend das jm wolgefall. So ich komm das den nicht loſungen werden gemachet Wann ſo ich würd ge­genwürtig. Die jr habet beweret durch die epiſteln. diſe ſende ich. das ſÿ tragen eüer genad in jhe­ruſalem. Vnnd ob es wirdt wir­dig. daz auch ich gee Sÿ geen au ch mit mir. ſo werden ſÿ mitt mir geen. wann ich komm zuͦ eüch. ſo ich wird durchgeen macedoniā. dann ich wird durch macedoniā geē. Aber villeÿcht ich beleÿb bey eüwch. Oder auche ich beleÿbe beÿ eüch den wÿntter. das jr mich fuͤrt. wohÿn ich gee. wan̄ ich wil eüch nun nit ſehen in dem gang. wann ich verſihe mich ettwouil zeÿt zuͦbeleÿben beÿ eüch. ob es der herr geſtatt. Wan̄ ich wird beleÿ ben zuͦ epheſtum biß zuͦ pfingſten wann ein groſſe thür iſt mir auf geton. vnd ein ſcheÿnperlich. vnd vil widerwertigen. Ob aber thy motheus kōmet zuͦ eüch. Seht. das er ſeÿ be eüch on forcht. wan̄ er würckt das werck des herren. als auch ich. Darūb keÿner ver­ſchmaͤhe jn. aber fuͤret jn her in dem frid. das er komme zu mir. wun ich harr ſein mit den bruͤdern Aber ich thuͦ eüch kundt von ap pollo dem bruͦder. das ich jne vil batt. das er kaͤm zuͦ eüch mitt den bruͤdern. vnd es was nit ſein wil das er nun kaͤm. Aber er kōmet. ſo es jm wirdt fuͤgen. Wacht vn̄ ſteet in dem gelauben. thuͦt men­lich. vnd werdt geſtercket in dem herren. alle eüere ding werden ge ton in d̓ liebe. Aber bruͤder ich bit eüch. jr erkennt das hauß ſtepha­ne. vn̄ fortunati. wan̄ ſy ſind die erſten achaÿe. vnd haben ſich ſelb geordēnt in den dienſt der heÿligē das auch jr den ſelben ſeÿt vnder. taͤnig. vnd einem ÿegklichē wür cken den vnnd arbeÿtenden vnder eüch. wann ich freüe mich in der gegenwürt Stephane. vnd fortu nati. vnnd achaci. wann das. daz eüch gebraſt. habē ſÿ erfüllt wan̄ ſÿ haben widerbracht meinen vn̄ eüeren geÿſte. Darumb erkennet wer ſÿ ſind. Eüch gruͤſſen all kir chen Aſÿe. Eüch gruͤſſen vil in dē herren aquila. vnnd priſcilla mit jr haußgenoſſen kÿrchen. beÿ den ich auch herberg. Eüche gruͤſſen alle bruͤder. gruͤſt aneinander. in dem heÿligen kuß. Mein gruͦße in der hand pauli. Ob ettlicher nit liebhat vnſern herren Iheſum cri ſtum. der ſeÿ geteÿlet vō dem her­ren. Die genad vnſers herrē jhe­ſu criſti. ſeÿ mit eüch. Mein leÿbe ſeÿ mitt eüch allen in Criſto jhe­ſu. Amen. Hie endet ſich die erſt Epiſtel zuͦ den Corinthÿern. Vnnd fahet an die vorred über die ādern epi­ſtel zuͦ den Corinthiern. .V. iiij.