Seite
Die ander epiſtel hoͤhet. Wann ich hab eüch gepre diget das ewangelium gots ver gebens. Vnd hab beraubet die an dern kirchē zuͦempfahen den ſold zuͦ eüerem dienſt. Vn̄ do ich was beÿ eüch. vnnd mir gebraſte. Ich was eüer keinem ſchwer. Wann das mir gebraſt. daz erfüllten die bruͤder. die do kamen von mace­donia. Vnd ich behuͤte mich eüch on burde. in allen dyngen. vnnd wil mich behuͤtten. Die warheÿt criſti iſt in mir. wann diſe glorie rung wirdt nit vnderbrochen in mir. in den gegenten achaie. War umb. das ich eüch nicht liebhabe. Got waÿſt. wann was ich thuͦ. das thuͦ ich. das ich abhawe jr vr ſach. der. die do woͤllen die vrſach Das warjn ſÿ glorieren. werdē erfunden. als auch wir. wan̄ ſoͤl­lich falſch apoſteln ſind truͤghaft wercklent. verwandlend ſich in die apoſteln criſti. Vnd es iſt nit wunder. wann er ſelb Sathanas verwandelt ſich in einē engel dēs liechts. Darumb iſt es mt groß. ob ſein diener werden verwande let. als die dÿener der gerechtig­keyte. Der ende wirdet nach jren wercken. Aber ich ſag. das mich keÿner ſchaͤcze zuͦſein eÿnen vn­weÿſen. Anderſt als einen vnwei ſen nemet mich auff. das auch ich ein wenig gloriere. Das ich rede Ich rede es nit nach got. aber in der vnweÿßheit. In diſer hab der glori. wan̄ vil glorierē nach dem leyb. vn̄ ich wil glorierē. Wan̄ geren übertragt jr die vnweÿſen So jr ſelb ſeÿt weÿß. wann jr er leÿdt es ob eüch yemandt keret in den dienſte. Ob eüch ÿemandt verwuͤſtet. Ob eüch ÿemandt nȳ met. Ob ſich ÿemandt erhebet. Ob eüch ÿemandt ſchlecht in das antlücz. Ich ſag nach der vnedel­keyt. Als waͤren wir ſiech in dy­ſem teÿl. In dem ÿemandt tarre. Ich ſag in der vnweÿßheÿt. vnd ich tarr auch. Sind ſÿ hebreÿſch vn̄ ich Sind ſÿ d̓ ſamen abrahās vnnd ich. Sind ſÿ diener Criſti. vnd ich. Ich ſage als ein mÿnder weyſe. vnd mer ich. In vil arbeÿ ten. In kerckern überflüſſigklich­er. In ſchlegen über die maß. dick in den todten. Zuͦ fünff malen ha­ich empfangen von den juden. eines minder. den vierczig ſchle ge. Zuͦ dreÿen malen bÿn ich ge­ſchlagen mit ruͦttē. Zuͦ einem ma e bÿn ich verſteinet wordē. dreÿ mal hab ich erlÿdten den ſchifbru ch. Tags vnd nachts was ich in der tyeffe des meeres. Dick in dē wegen. In den verderbunge der dieb. In der verderbung der flüß. In den verderbungen auß dem ge ſchlaͤchte. In verderbunngen von den heÿden. In verderbungen in der ſtatt. In verderbungen in der eynoͤde. In den verderbungen in dem moͤre. In verderbunngen in den valſchen bruͤdern. In arbeyte Vnnd in den gebreſten. Vnnd in vil wachen. In hunger. vnnd in durſt. In vil vaſten. in kelte vnd in nackenheÿt. Vn̄ die ding. die do ſind außwendig. mein taͤglich anſteeung. die ſorg aller kirchen. Wer iſt ſiech. vnnd ich bÿn nicht ſiech. Wer wirdt geſchendet. vnd