Seite
zuͦ dei Galathiern ccccxxix loͤſet. dye do waren vnder der ee. Das wir empfiengen die außer­woͤllūg der ſün. Wan̄ das jr ſeÿt die ſün gottes. got der ſendet den geyſt ſeines ſunes in vnſer her­czen ſchreÿendt. Vater. vater. dar umb ÿeczund iſt er nit ein knecht aber ein ſun. Vnd er iſt ein ſune. ſo iſt er auch ein erb durch got. Aber do zuͦmal wiſſet jr gott nit vnd diendtet den. die von nature nit goͤtter ſind. Aber nū ſo jr got erkennet. Ir ſeÿdt auch erkamit von got. Darumb in woͤllicher­weÿß werdt jr gekert zuͦ dē kran cken. vnd zuͦ den gebreſtigen ele­menten. den jr anderweÿd woͤllt dienen. Ir vermerckt die tag. vn̄ die monet. vnd die zeÿt. vnd die jar. Wan̄ ich forcht eüch. das ich villeÿcht hab gearbeÿt vnder eü­ch on ſamb. ſeÿt als ich. Wann au ch ich als jr. Bruͤder ich bitt eüch. Ir habet mich nichts beleÿdiget. wan jr wiſt das ich eüch ÿeczūd zuͦ dem naͤchſten hab geprediget. durch die kranckheyt des fleyſch es. Ir habt nit verſchmaͤht. noch verunwirdiget eüer verſuͦchun­geen in meinem fleÿſch. Aber jr em pfiengt mich als den engel gotes vnd als Iheſum criſtum. Darūb wo iſt eüer ſaͤligkeit. wan̄ ich gi­be eüch gezeügknuß. das. Ob es moͤcht werden geton. Ir het auß­gebrochen eüere ongen. vnd het mir die gegeben. Darumb ich bin eüch worden ein feÿnd. Sagendt eüch die warheÿt. Sÿ haben eüch lieb. vnd nit wol. wann ſÿ woͤl­len eüch außbeſchlieſſen. das jr ſÿ liebhabt. wan̄ zuͦ allen zeyten ha­bet lieb das guͦt in guͦt. vnd nicht allein ſo ich bÿn gegenwürtig beÿ eüch. Ir mein ſünlein. die ich eü­ch anderweÿd gebÿr. biß criſtus wirdt gebildet in eüch. Vnd nun wolt ich geren ſein beÿ eüch. vnd verwandeln mein ſtÿm̄. wan̄ ich wirdt geſchendet in eüch. Saget mir die jr woͤlt ſein vnder der ee. laſſet jr nit die ee. Wann es iſt geſchriben. das Abraham hat ge­habt zwen ſün. Einen vō der die ren. vnd einen von der eefrawen wann der von der dieren. was ge boren nach dem fleyſch. Aber der von der eefrawen. durch die ver heÿſſunge. Aber diſes ſind zweÿ teſtament. die do ſiud geſagt dur ch geÿſtlichen ſÿn. Dann den ei­nen an dem berge ſÿnā geberendt in dienſt. die do iſt agar. wan̄ ſÿ­na iſt ein berge in arabia. Der do iſt gefuͤget zuͦ der. Die nun iſt in jheruſalem. vnd dient mit jren ſü nen. wann die jheruſalem. die do iſt oben. die iſt freÿ. die do iſt vn­er muͦter. Wann es iſt geſchriben Freüw dich vnperhafftige do du nit gebirſt. brich auß. vn̄ ruͤff die du nit gebirſt. wan̄ vil mer ſind ſüne der gelaſſen. denn der. die do hat dē man. aber bruͤder wir ſind ſün d̓ verheÿſſūg nach ÿſaat. aber wie den̄ der. der do iſt geborē nach dem fleÿſche. durchaͤchtet den. der do iſt geboren nach dem geÿſt. Al ſo auch nun. Aber was ſprichet die geſchrÿffte. Wÿrff auß die die ren. vnnd jren ſune. Wann der ſu ne der dieren wirdt nicht ein erb mitt dem ſun der freÿen. Darum̄ bruͤder wir ſind nit ſün d̓ diernen