Seite
zuͦ den epheſern ccccxxxi eüch. vnd fride von gott vnſerm vater. vnd von dem herren jheſu criſto. Got ſey geſegent vnnd der vater vnſers herren jheſu cri ſti. der vns hat geſegent in allem geyſtlichē ſegen in den hymliſch­en dinge in criſto. als er vns hat erwoͤlet in jm ſelber vor der ſacz­ung der welt. dz wir find heylig vnnd vnuermeyliget in ſeine an geſicht in der liebe. Der vns vor geſchaͤczet hett in die erwoͤlung der ſün durch jheſum criſtum in jm ſelber nach dem fürſacz ſeins willen zuͦ dē lobe der glori ſeyner genadē. in der er vns danckber ge machet hat in ſeim lieben ſun. in dē wir haben erloͤſung durch ſein bluͦt. die vergebung der ſündē na ch dem reichtummen ſeiner genade die da überflüſſig iſt geweſen in vns in aller weyßheyt vn̄ in der fürſichtigkeyt gots. dz er vns thet offenbar die heyligkeyt ſey nes willens nach ſeiner wolge­fallunge. die er fürſaczt in jm. in der teylung der erfüllung d̓ zeytt zuͦbeſtetē alle ding in criſto. die da ſind in dē hȳmeln. vnd die da ſind auf erde in jm. In dem auch wir ſind beruͤffet nach dē loß. vor geordent nach dē fürſacz. des. der da wurckt alle ding nach dē rate ſeins willens. das wir ſind zuͦ dē lob ſeiner glori. die wir vor hoff nung haben in criſto. Aller lieb­ſten in dē auch ſo jr habt gehoͤrt dz wort der warheyt. das ewan gelium eüers heyls in dem auch jr geleübigen ſeyt gezeychēt mit dem heyligen geyſt der verheyß­ſung. der da iſt ein pfand vnſers erbs zuͦ der erloͤſung der gewyn­ung. zuͦ dem lobe ſeiner glori. Vn̄ darumb ich. der ich hoͤr eüern ge lauben. der da iſt in criſto jheſu. vnd die lieb in all heiligē. Ich hoͤr nit auff. danck zuͦſagen vmb eüch. habendt eüer gedechtnuß in meine gebetē. das got der vater der glori vnſers herrē jheſu criſti eüch gaͤb dē geyſt der weyßheyt. vnd der offenbarūg in ſein erken nung zuͦ erleüchtē die augē eürs herczē dz jr wißt woͤlichs da ſey die hoffnung ſeiner ruͤffung vnd woͤlichs da find die reichtub der glori ſeines erbs in dē heyligen. Vn̄ woͤliches da ſey die uͤberſtey gent groͤſſe ſeiner krafft in vns. die wir gelaubet haben nach der würckūg des gewaltz ſeiner krā te. die er gewurcket hat in criſto Erkückent jn von den todtē vnd ſeczendt jn zuͦ ſeiner gerechten in den hymliſchē dingen über alles fürſtentum. vn̄ gewalt. vn̄ kraft vnd herrſchafft. vn̄ ein yegklich nam d̓ da wirt genant nit allein in der welt. Sunder auch in der künfftigen. vnd alle ding vnder­legt er ſeinen fuͤſſen. Vnd er gab jn zuͦ eim haubt über alle kirchen die da iſt ſein leib. vnd ſein vol­kōmenheyt. der erfüllt alle ding in allen dingen. Das ander ca Vnnd jr. do jr wardt to de in den mißtaten vn̄ m eüern ſünden in dē jr etwenn giengt nach d̓ welt diſer welt. Nach dem fürſt en des gewalts diſes lufftes der O. j.