Seite
zuͦ den Philipenſern ccccxxxvi der würckung ſeiner krafft. mitt der er jm auch mage vnderlegen alle ding. Das iiii Ca Arumb mein aller­liebſten bruͤder vnd be­gerlichſtē. mein freüde vn̄ mein kron. alſo ſte­ent jm̄ herre jr liebſtē. Ich bit eü chodiā. vnd bit finthicem dz ſelb zewiſſen jm̄ herrē. Ich bitte meȳ mitgeleicher bruͦd̓ hilf dē. die mit mir habē gearbeyt in de ewange­lio mit clemente. vn̄ mit anderen meinē helffern der namē da find geſchribē in dē buͦch des lebens. Zuͦ allen zeytē freüet eüch jm̄ herren. aber ſag ich. freüet eüch. Eüer meſſigkeyt ſey erkant allē leütē. Der herr iſt nahēt. vn̄ nit ſorgſam aber in allen gebetē vn̄ fleiſſiger bittūg mit d̓ würckung der genadē. eüer heyſchūg ſind er kant bey got. Vnd der frid gots d̓ da überſteygt allē ſÿnn. der be­huͤt eüer hercz. vn̄ eüer vernūfft in Iheſu criſto vnſerm herren) Von deßhin bruͤder woͤliche din­ge ſind war. woͤliche ſind gerech te. woͤliche find keüſche. woͤliche find heylig. woͤliche da find liep­lich woͤliche da find guͦttes lobs iſt keynerley tugendt iſt keyner ley lob d̓ zucht. die ding gedenck­et. die jr habt gelernet. vnnd em pfange. vnd gehoͤrt vn̄ geſehē in mir. Darūb diſe tuͦt. vn̄ gott des frides wirt mit eüch. Wann ich bm groͤßlich erfreüet jm̄ herren. dz jr darnach zuͦ zeytē habt wid̓ gegruͦnet zeentpfindē vmb mich als jr auch habt empfundē. wān r wardt bekümmert. Ich ſage es nit vmb den gebreſtē wān ich ha be gelernt. in dē ich bin begnuͤget Ich kan demuͤtig werdē. vn̄ kan begnuͤgen. vnd ich bin geſchicket allenthalbē in allen dingen. vnd erſattet werdē. vnd hungern vn̄ begnuͤgen. vnnd armuͦt zeleyden ich mag alle ding. in dē der mich ſterckt Iedoch jr tet wol gemein ſament meiner truͤbſal. wan̄ au­ch jr philipenß. jr wißt dz an dē anfang des ewangeliums da ich gieng von macedonia. keyn kir­che gemeinſampt ſich czuͦ mir in der rechnung der gab. vnd d̓ em­pfahunge. nur jr alleyn. wann jr ſandtet mir auch theſſalonicam zuͦ eim mal. vnnd zwiren zuͦ dem nutz. wann ich ſuͦch nit die gab. aber ich ſuͦch die überflüſſige fru cht in eüer rechnung wan ich ha be alle ding. vnnd begnuͤge. Ich bin erfüllet mit empfahunge vō epafroditem die jr ſant czuͦ eym geſchmack der ſenfftigkeit. ein an genemes opfer vnd got wol ge­fellig. aber mein got erfüll all eü er begir nach ſeinen reychtumen in der glori in jheſu criſto. Aber got vnd vnſerm vater ſeye glori in den welten d̓ welt amen. Gruͤſ ſet eynen yegklichen heyligen in heſu chriſto. Euch gruͤſſen alle bruͤd̓ die bey mir ſind. Eüch gruͤſ ſen auch alle heyligen. aber aller meyſt die da find von dem hauß des keyſers. Die genade vnſers herren Iheſu chriſti ſey mitt eü­rem geyſt Amen.