Transkription / Biblia, dt. [862

epiſtel Die Capitel iii Das Ein bruͤder füranhyn II freüet eüch jm̄ herren wann mir iſt nicht tre ge eüch zeſchreiben die ſelben dinge. Aber eüch nottürfftig. Sehet die hund. Sehet die boͤſen werckleüt. ſehet die beſchneydung. wann wir ſind die beſchneydung die wir gott dienen mit dem heyligen geyſt vnd glotieren auch in jheſu chriſto. vnd nichtt habendt die zuͦuerſichte in dem fleyſche. wiewol das ich habe die zuͦuerſicht in dem fleyſche Ob auch ein ander wirt geſehē ſich zuͦuerſchen in dem fleyſche. ich mer beſchnitten an dem achttenden tage auß dem geſchlaͤchte ſrahel von der geburt beniam Ein hebreer von den hebreerin. vnd auch ein phariſeer nach der ee. Durchaͤchtent die kirchen go tes nach dem neyd. vnd ich wan delet on klag nach der gerechtigkeytt. die da iſt in der Ee. wann die ding. die mir waren gewynne. dyſe habe ich geſchaͤczet ſchaden vmb chriſtum. Aber doch ich ſchaͤcz das alle dinge find ſchadē vmb die überſteygenden kunſte vnſers lieben herren jheſu chriſti meines herren. vmb den habe ich alle ding zenichten gemachet vn̄ ſchaͤcze ſÿ als dē miſt. das ich gewynne Iheſum chriſtum. vnnd werde funden er in jm nichtt habendt mein gerechtigkeyt die da iſt auß der ee Aber die da iſt auß dem gelauben Iheſu chriſti. dye gerechtigkeyt die da iſt auß got in dem gelauben jn zuͦ erkennen. vnnd die krafft ſeiner aufferſtee ung vnnd auch die geſelſchaffte ſeiner leydunge gebiidet zuͦ ſeym tode. ob ich in ettlich weiß entge gen lauffe zuͦ der aufferſteeunge die da iſt auß den todten. nit das ich yetzund hab empfangen oder daz ich petzund ſey volkommen Aber ich nachuolge. ob ich auch in ettlicherweyß begreyff in dem auch ich bin begriffen von jheſu chriſto. Bruͤder. ich meyne nicht. das ich hab begriffen. wan̄ eins. ich vergiſſe der ding. die da ſind da hindten. aber ich ſtrecke mich ſelber czuͦ den. die da ſind da vor. ich nachuolge auch dem vorgeor denten lone der oberſten ruͤffung gottes in jheſu chriſto Darumb woͤliche wir ſeind volkommen. das ſüllen wir empfinden. vnnd ob jr wiſſet keyn ander ding vn̄ diſes hat eüch got eroͤffent. Vedoch zuͦ diſem kommen wir. das wir wiſſen das ſelb. vnnd beleyben in dem ſelben orden. ¶ Bruͤder ſeyt mein nachuolger. vnnd mercket die. die alſo geen. als jr habt vnſer form wann manig ge en die ich eüch dicke ſagte. Aber nun ſage ich weynendt die veinde des kreüczes ch iſti. der ende iſt der todt. der bauch iſt jr gott. vnnd die glori in jrſchande. die da wiſſen dye jrrdiſchen dinge. Aber vnſer wanderung iſt auch in den hymmeln. dauon wir harren des behalters vnſers herrē je u chriſti. der da widerbildet den leybe vnſer demuͦtt zuͦ gebilder dem leybe ſeiner klarheytt. nach